Сергей Арсланов: "Биз Нимелини ёздаёқ бериб юбориш ҳақида ўйламаяпмиз"

Сергей Арсланов: "Икки хил тайм гувоҳи бўлдик. Биринчи бўлимда четлатишлар гувоҳи бўлдик, иккинчи бўлимда эса вазиятга қараб ҳаракат қилдик. Йигитларга раҳмат айтмоқчиман, улар майдонда борини беришди. Ўйинни рақиб майдонига кўчиришга ҳаракат қилдик, бу қийин бўлди, аммо бир нечта қарши ҳужумлар ташкил қила олдик. 

- Мухлислар учун ўйин зерикарлидек кўринди, сиз баҳс даражасига қандай баҳо берасиз?

- Намангандаги сўнгги учрашувимиз ва бугунги тўқнашувни солиштирадиган бўлсак, ҳа, "Металлург"га қарши учрашувда бошқа тезлик намойиш этилди. Иккала жамоа ҳам очко олишга ҳаракат қилди. Гол ҳақида тўхталадиган бўлсак, гол бу бир жамоанинг омадли ёки омадсиз ҳаракатлари кетма-кетлиги самараси ҳисобланади.

- Бу йил легионер ҳужумчилар ўзини яхши кўрсата олмоқда. Клубларимиз ниҳоят селекцияда яхши ишлашмоқдами?

- Менимча, клубларда легионер танлашда имконият ошди ва улар танлаб-танлаб футболчи олишмоқда. Бундан фақат ютамиз. Биз, клублар, мухлислар.

- Нимели яхши ўйин кўрсатмоқда. Ёзда уни илиб кетишларидан қўрқмайсизми?

- Намангада ҳам шунга ўхшаш саволлар беришганди. Биз ёш футболчиларни етиштириб бериш учун ишлаяпмиз. "Сурхон" бундан хурсанд бўлади.

- Жамоанинг ҳужуми Нимелига боғлиқ бўлиб қолди деб ўйламайсизми? Унинг кетиши ўйин сифатига таъсир қилиши мумкинми?

- Биз Нимелини ёздаёқ бериб юбориш ҳақида ўйламаяпмиз. Футбол - жамоавий ўйин. Алмаштириб бўлмас ўйинчилар йўқ, бироқ Нимели кетишини кўриб чиқмаяпмиз.