Сергей Лушан: "Персеполис"дек кучли рақибга қарши ҳали ўйнамаганмиз"

Унда бош мураббий Сергей Лушан билан бирга  Артём Филипосян иштирок этди.

"Эртага бизни қийин ўйин кутмоқда. Бундай жамоага қарши ўйнамаганмиз. Жуда ҳам тажрибали, ҳар бир чизиқда кучли ўйинчиларга эга. Улар охиригача курашишади. Рақиб ўзи ташкил этадиган вазиятлардан фойдаланишга уринади", - дейди Сергей Лушан.

"Эртанги ўйинга келадиган бўлсак, рақиб анча жиддий. Майдонда ҳақиқий кураш кечади. Шу боис биз бу баҳсга 100-120% га тайёр бўлишимиз керак", - дейди Артём Филипосян.

- Артём, маълум муддатдан сўнг яна жамоага қайтдингиз. Аввалги "Бунёдкор" билан ҳозирги жамоани фарқи нимада?
- Аввалги жамоа билан ҳозирги "Бунёдкор"ни таққослайдиган бўлсам, таркибда ёшлар кўпайган. Ўйин услубимиз тезкор қарши ҳужумга мослашган футбол. Жамоа анча ёшарган.

- Рақибга қарши қандай тайёрландингиз? Рақиб ҳақида маълумотлар борми?
- Ҳа "Персеполис"ни тўлиқ ўрганиб чиқдик. Улар охиригача курашишади. Хатто ҳисоб 0:3 бўлиб турса ҳам жонларини бериб ўйнашади.

- Саудия Арабистонидаги ўйинни кўрдик. Асосий урғу Сардор Рашидовга қаратилмоқда. Таркибда бошқа, сирли футболчилар борми?
- Тўғри таъкидладингиз. Сардор Рашидовнинг тезкорлиги эвазига қарши ҳужумларда ундан унумли фойдаланишга уринамиз. Ундан фойдаланмаслик аҳмоқлик бўларди. Лекин таркибда бошқа йигитлар ҳам ўзларини кўрсатишлари мумкин.

- "Ал Наср" билан сафарда дуранг ўйнадинглар. Ўшанда жамоаингиз битта аниқ зарба берди, рақиб эса кўплаб зарба берди ва дуранг қайд этди. Эртага "Бунёдкор" ўз майдонида ўйнайди. Эртага кўпроқ зарба кўрамизми?
- Тўғри, бу бизнинг нозик нуқтамиз. Лекин айни пайтда Саудия Арабистонида дуранг ўйнаш биз учун яхши натижа бўлди. Биласизми, агар футболчиларга зарба бериш имконини беришса зарба беришади, бўлмаса йўқ. Эртага кўпроқ зарба беришга ва голлар уришга ҳаракат қиламиз.

Шаҳбоз Беғамов