Санжар Турсунов "Умм-Салал" билан 1,5 йиллик шартнома тузди
27 янв 2016 15:13
Янгиликлар
Санжар Турсунов "Умм-Салал" билан 1,5 йиллик шартнома тузди
Ўзбекистон миллий терма жамоаси футболчиси Санжар Турсунов Қатарнинг “Умм-Салал” футбол клуби аъзосига айланди.
29 ёшли футболчи фаолиятини бунга қадар Украинанинг “Ворскла” жамоасида олиб бораётган эди. 2014 йилдан буён полтаваликлар таркибида тўп тепиб келган ярим ҳимоячи эндиликда фаолиятини Қатар Юлдузлар Лигасида давом эттиради.
Санжар Турсунов шу ой аввалида жамоани тарк этган эронлик футболчи Андраник Темуряннинг ўрнини тўлдириш учун харид қилинди, деб ёзади Қатар Юлдузлар Лигаси расмий сайти ушбу трансфер ҳақида.
Таъкидланишича, футболчи 27 январь, сешанба куни клуб билан 18 ойга мўлжалланган шартномага имзо чеккан. Шунингдек, Турсунов ўзининг янги жамоаси билан сешанба кунги машғулотларда қатнашган. Унинг “Умм-Салал” таркибидаги дебюти 28 январь куни чемпионат пешқадами “Ар-Раян”га қарши ўйинда бўлиши кутилмоқда.
Ўхшаш янгиликлар
championat.asia
CAFA Nations Cup. Ўзбекистон 10 киши бўлиб қолган Қирғиз Республикасини йирик ҳисобда енгди. Финалдаги рақиб – Эрон
Бенту қўлдан чиқди, навбат Гжегож Бржэнчшчикиевичга
A Bola: Лёвдан сўнг Бенту ҳам Ўзбекистонга "йўқ" деди
Станислав Черчесов: "Ўзбекистонни умуман билмайдиган ва кўп нозик жиҳатлардан бехабар чет эллик мураббийнинг дарҳол натижа келтиришига ҳеч ким кафолат бера олмайди"
Фикрлар