Санжар Шоаҳмедов: “Ғалаба қозонсак қўшалоқ байрам бўларди”

Narzulla Saydullayev

23 сен 2016, 14:38

Бугун чемпионатимизнинг 23-тур учрашвида Тошкентнинг икки клуби “Локомотив” ҳамда "Обод” жамоалари куч синашишади.

Ушбу ўйин олдидан “темирйўлчилар” ярим ҳимоячиси, бугун ўз туғилган кунини нишонлаётган Санжар Шоаҳмедов ўз фикрларини билдирди.

“Бугун “Обод” жамоасига қарши баҳс олиб борамиз. Барча яхши билади, “Обод” ҳам анча яхши шаклланган жамоа. Ушбу ўйинда ғалаба қозониш учун майдонга чиқамиз. “Обод”га қарши оптимал таркиб билан майдонда ҳаракат қилсак керак. Қандай тактикада ўйнашимиз ва майдонга кимлар тушишини мураббийимиз ҳал қилади. Ғалаба қозонсак қўшалоқ байрам бўларди”, - дейди “Локомотив” клуби ярим ҳимоячиси Санжар Шоаҳмедов.

Жаҳонгир Сотволдиев