Самвел Бабаян: "Мағлубиятга лойиқ эмасдик"

"Бугун яхши футбол бўлиб ўтди. Мухлислар ҳам ўйинни кўриб зерикиш қолишмади деб ўйлайман. Афсуски ғалаба қозона олмадик ва мағлуб бўлдик. Бунинг учун мухлислардан узр сўрайман. Ўйиндан келиб чиқиб шуни айтиш мумкинки, бугун мағлубиятга лойиқ эмасдик", - дея сўз бошлади Самвел Бабаян.

- ОЧЛда кетма-кет уччала жамоамиз ҳам мағлубиятга учради. Бу ҳолат бўйича қандай фикрдасиз? Бу натижалар ҳаммаси клубларнинг ички муаммолари борлиги туфайлими?
- Учта учрашув ва уч ҳил сценарийлар остида ўтган ўйинлар. Бу албатта барчанинг ўзининг муаммолари борлиги сабаб. Бугун биз мағлубиятга лойиқ ўйнамадик. Лекин яратилган вазиятларни голга айлантира олмадик. Бу борада ҳали кўп ишларни олиб боришимиз лозим.

- Егор Кримец, Даврон Ҳошимовларни майдондаги ҳаракатлари борасида нима дея оласиз? Хатолар кўпайиб кетмаяптими?
-  Бу футболчилар орасида Александр Мерзляковни ҳам қўшган бўлардим. Ҳимояда муаммолар бор ва буни тўғирлаш устида ишлаяпмиз. Учрашув сўнггида Егор Кримец ўзини алмаштириш кераклигини сўради. Унда кичик жароҳат бор эди. Лекин захирамиз қолмагани сабабли охиригача ўйнашини сўрадик.