Рустам Абдуллаев: "Бугун майдонга ютиш учун чиққандик"
05 июл 2015 20:45
Янгиликлар

Рустам Абдуллаев: "Бугун майдонга ютиш учун чиққандик"

"Қўқон-1912" - "Пахтакор" (2:2) учрашувидан сўнг ташкил этилган матбуот анжуманида майдон эгалари бош мураббийи Рустам Абдуллаев иштирок этди.

“Гарчи бугунги рақибимиз ҳам чемпионат пешқадами бўлсада, майдонга ғалаба қозиниш учун чиқққандик. Чунки ишқибозларимиз ғалабали ўйинларни соғиниб қолишганди. Уларни уч очко билан хурсанд этиш учун йигитлар қўлларидан келганича ҳаракат қилди. Уларга бунинг учун раҳмат айтаман”, - дейди Рустам Абдуллаев.

- Аввал ҳам айтганман биз ўйин бўйича ютқазмаяпмиз. Бугун ҳам ўйлайманки, майдонда рақибдан қолишмадик. Афсуски қўшимча дақиқада гол ўтказиб юбориб, ғалабани қўлдан чиқардик. Жуда аламли бўлди.

- Ҳакамлар ишини муҳокама қилмайман. Мени тўғри тушунинг.

- Бундан кейин "Қўқон-1912" жамоасини мен бошқараманми ёки бошқа мураббийми мухлислар оғир кунда ҳам қўллаб-қувватлашини истардим. Жамоа узоқ йиллик танаффусдан сўнг энди бу йил олий лигада ўйнашни бошлади. Барқарор жамоа шакллантириш учун камида 3 йил керак бўлади. Футболчиларни ҳам тўғри тушуниш керак. Уларни трибунадан туриб шахсиятига тегадиган сўзлар билан хақорат қилиш ярашмайди.

Ҳавола :

Манба : championat.asia

Янгиликларни Телеграмда ўқинг!

Рейтинг: