Руслан Аҳмедов: “Кичик хатолар эвазига мағлуб бўлдик”

"Арал Самали”нинг бугунги ғалаба билан табриклайман. Жамоа таркибида қатор муаммолар бўлишига қарамай, йигитлар ҳарактер кўрсатишди. Шу ўринда бизнинг жамоа футболчиларига эътирозим кўп. Йигитлар ўзларини ўйинга яхши тайёрлай олмаган. Кичик хатолар эвазига мағлуб бўлдик. Қолаверса, таркибдаги айримлари Про лигада ўйнамаган. Бу эса ҳар ўйинда такрорланмоқда. Футбол шунақа. 

Ўйин жанговар руҳда кечди. Шу сабабли тўқнашувлар кўп бўлди. Ҳакамларнинг ишини таҳлил қилмоқчи эмасман. Уларнинг ишини кўриб чиқадиган қўмита бор. Фақатгина, учрашувни бошқариб борган ҳакамларга эътирозим бор. Кўп тўхталишлар бўлди. 

Агар биринчи лига жамоаси “Арал”дан назорат учрашувини ўтказиш таклифи билан чиқса, буни кўриб чиқамиз. Албатта, юзага келган танаффус вақтида ўйин амалиётини сақлаш учун бундай баҳслар керак", - Руслан Аҳмедов.