UZ

Сўнгги янгиликлар

08:35Sofascore. Ҳусанов кечаги учрашувда энг катта баҳога лойиқ кўрилди  1 08:15Туркия чемпионати 5-тур. Моуриньо бошчилигидаги "Фенербахче" сафарда ғалаба қозонди, "Бешиктош" бир киши кам бўлган "Трабзонспор"ни енга олмади  0 08:06"Реал Мадрид" футболчиси "Реал Сосьедад"га қарши учрашувда жиддий жароҳат олди   0 07:35Лига 1. "Ланс" - "Лион", Ҳусанов жамоасини 100 фоизлик голдан қутқариб қолди!  3 07:27Суперлига. Бугун 18-тур баҳслари якунланади  0 06:14Аргентина мундиалда Украинани аямай "савалаган" ўйиндан ГАЛЕРЕЯ  0 01:55Ла Лига. "Атлетико" "Валенсия"ни йирик ҳисобда таслим этди, Галлахер ва Альваресдан дебют голлар!  2 01:55А Серия 4-Тур. "Наполи" сафарда йирик ғалаба қозонди Лукакуда 1+2, "Рома" сўнги дақиқада ғалабани қўлдан чиқарди  1 01:44А Серия. "Интер" "Монца" билан ўйинда сўнгги дақиқалардаги гол эвазига мағлубиятдан қутулиб қолди  0 01:40Франция. Ҳусанов идеал ўйин кўрсатган учрашувда "Ланс" нурсиз дуранг қайд этди  7 00:38Рабьо янги клубга ўтишга яқин  1 23:50Футзал бўйича ЖЧ 1-тур. Ўзбекистонда жанговар дуранг, Бразилияда голлар "ёмғири", Афғонлар эса Анголага 6 та гол уришди  2 22:56Александр Хомяков: "Ҳатто дурангни ҳам ушлаб қола олмадик. Кетма-кет мағлубиятлар ёмон таъсир ўтказмоқда"  13 22:38Александр Крестинин: "Ғалабалар вақти келди"  1 21:42"Барселона" 2017 йилдан бери илк бор Ла Лигани бешта ғалаба билан бошлади  7

Руслан Аҳмедов: "Биринчи даврада бир сўм ойлик олганимиз йўқ" Янгиликлар

Руслан Аҳмедов: "Биринчи даврада бир сўм ойлик олганимиз йўқ"

Про-лиганинг 15-тури доирасида "Локомотив"га қарши ўйиндан кейин "Хоразм" бош мураббийи Руслан Аҳмедов ўз фикрларини билдириб ўтди.

- "Локомотив"ни ҳақли ғалабаси билан табриклайман. Барибир жамоа футболчилари биздан кўра савиялироқ. Биз эса кутилганидек ҳимоявий услуб танлагандик. Режамиз дастлабки 15-20 дақиқаликда рақибнинг катта темпига туриб бериб, гол ўтказиб юбормаслик, кейинчалик темпни тенглаштириб, гол уришни истагандик. Иккинчи бўлимда яхши вазиятимиз бўлди. Ундан фойдаланишимиз керак эди. "Локомотив"ни яна бир бор табриклайман. Уларга омад тилайман. Жамоа ўз олдига қўйилган вазифасини бажаради деб ўйлайман. Шу сабабдан улар ҳозир етакчи бўлиб туришибди. Ҳаёт давом этади. Ютқаздик. "Локомотив" биринчи ўринда эканлиги бекорга эмаслигини кўрсатди. Биз кейинги ўйинларга тайёргарлик кўрамиз.

- Биринчи даврадаги ўзаро ўйинда "Хоразм"да кўпроқ имконият бўлганди. Бугун эса аксинча. Бу ўйинларда мезбон фактори роль ўйнадими?

- Албатта, мезбон фактори доимо роль ўйнайди. Айниқса майдон сифатида. Масалан, биз бошқачароқ майдонда машғулот қиламиз. "Локомотив" майсаси эса жуда юқори савияда, тўп тез юради. Шу боисдан йигитларим анчагина қийналади. Паслар тезлиги, ҳаракат тезлиги бошқача. Юу эса доимо ўз сўзини айтади. Биз эса барибир ҳимояда ўйнадик. Хоразмдаги ўйинда ҳам 70 фоиз тўпни ушлаб турди "Локомотив". Ўшанда стандартдан кейин гол уриб, асосан қарши ҳужумларда ўйнагандик. Кам ҳужум қилганимизга илк навбатда майдон сифати ҳалақит берди. Шунда ҳам ҳаракат қилдик. Тўп бошқача сакрагани учун биринчи голни, рикошет бўлгани учун иккинчи голни ўтказиб юбордик. Ҳеч бўлмаса дуранг ўйнаб кетишни ният қилгандик. Майли бу футбол.

- Биринчи бўлимдан кейин дарвозабоннинг алмаштирилиши ўтказиб юборилган голлар сабаблими?

- Ҳа, бу ерда бошқа сабаб ҳам бор. Биринчи голни ўтказиб юборгандан кейин дарвозабон ўзини йўқотиб қўйди. Дарвозабон ярим жамоа дейишади-ку. Ҳаяжонлангани учун алмаштирдик. Голдан кейин у бир қанча вазиятларда нотўғри ўйнади. Ҳимоядан чиқиб кетиш борасида ўзимизнинг режаларимиз бор эди. У шундай режаларда хато қилди. Шунинг учун уни алмаштиришга тўғри келди. 

- Айниқса иккинчи бўлимда ҳимоядан чиқишда жамоа кўп хато қилди. Бу олдинги ўйинларда ҳам кузатилаётганмиди?

- Ҳа, кузатилаётганди. Бугун айтганимдек, "Локомотив"нинг прессинги жуда кучли бўлди. Хатолар эса дарвозабондан бошланди. Биринчи паснинг нотўғри бўлганлиги сабабли барча схемалар бузилади. Биз бошқача йўналишни режа қилгандик, бироқ дарвозабон ҳаммасини бузиб ташлади. Шу сабабли ҳимоядан чиқишда кўп хато қилдик. 

- Ёзги трансферлар ойнаси вақтида ўзингиз учун керакли нуқталарни кучайтира олдингизми?

- Йўқ, чунки бизда молиявий томондан ҳолат яхши эмас. Бизга фақатгина 20 июндан расмий тарзда ҳомий бириктирилди. Бунгача жамоа биринчи даврада бир сўм ойлик олгани йўқ. Шу боис биз жамоага савияли футболчилар чақира олмаймиз. Биздан 6 нафар футболчи кетган бўлса, фақатгина икки футболчини таркибга жалб қилдик. Қолганига эса ёшлар билан ишлаяпмиз. Секинлик билан молиявий томондан барқарорлашяпмиз, "Узтелеком" қарзларни ёпишга ҳаракат қиляпти. Ёзги трансферларда эса биз анчагина қийналдик. Бюджетимиз кам, биринчи даврада ойлик берилмагани учун футболчиларни олиб келишнинг иложи бўлмади. Балки келаси йили бўлиб қолар. Молиявий томондан яхши бўлиб турсак, таркибни кучайтирармиз.


Рейтинг:    

Фикрлар

championat.asia
< сўнгги янгиликларни кўриш
Яндекс.Метрика