Рўзиқул Бердиев: "Нефтчи" ўз уйида бундай ҳисобда ютқазишини тўғриси кутмагандим"

"Бугунги ўйин ажойиб ўтди. Ғалабанинг асосий омили ўйинни яхши ташкил қилдик ва рақибга нисбатан тактикадан устунлик қилдик. Кейинги босқичга чиқиш имкониятимизни оширди. "Нефтчи" бундай ҳисобда ютқазишини тўғриси кутмагандим. Балки бугун омад бизга кулиб боққандир. Мухлислар доим ўз жамоасига содиқ қолиши керак, улар бизни қўллаб туришди бундан хурсандман.

Бобур Абдухолиқов, Азиз Ғаниев ва Шароф Муҳиддинов Ўзбекистон ёшлар терма жамоаси сафида йиғинда қатнашмоқда. Мақсуд Каримов жароҳат олган, Элдор Суюнов ва Артур Геворкян терма жамоалар сафида. Сайдулла Раҳматов яхши ўйнамоқда, лекин ҳали ўз устида ишлашда давом этиши керак. Ўткир Юсуповнинг бугунги ўйини билан уни ёмон дарвозабон деб аташ тўғри эмас. У яхши посбон, шунчаки бугун ўйини чиқмагандир. Юсупов ҳам маҳоратли посбон", - дейди Рўзиқул Бердиев.