Рой Кин "Сандерленд"ни бошқариши мумкин
03 фев 2022 08:38
Янгиликлар

Рой Кин "Сандерленд"ни бошқариши мумкин

"Манчестер Юнайтед"нинг собиқ футболчиси Рой Кин "Сандерленд" мураббийи бўлиши мумкин.

Клуб раҳбарияти 50 ёшли ирландиялик собиқ футболчи билан музокаралар олиб бормоқда. "Қора мушуклар"нинг аввалги мураббийи Ли Жонсон "Болтон"дан учралган 0:6 ҳисобидаги мағлубиятдан сўнг истеъфога чиқарилганди.

Кин 2006-2008 йиллар давомида "Сандерленд"да мураббий бўлиб ишлаган. У 2007 йилда клуб билан Чемпионшипда биринчи ўринни эгаллаганди.

У 2011 йилдан кейин бош мураббий бўлиб ишламаган. Сўнгги маротаба Рой "Ипсвич"ни бошқарган. Шундан сўнг эса Ирландия терма жамоасида, "Астон Вилла" ва "Ноттингем Форест" клубларида ёрдамчи мураббий сифатида фаолият олиб борган.

Айни пайтда "Сандерленд" Англиянинг учинчи дивизионида 3-ўринни эгаллаб турибди.

Ҳавола :

Манба : Daily Mail

Янгиликларни Телеграмда ўқинг!

Рейтинг: +2