Мадриднинг "Реал" клуби ҳимоячиси Дани Карвахаль ва ярим ҳимоячи Эдуардо Камавинга Испания чемпионатининг 26-туридан ўрин олган "Севилья"га қарши ўйинни ўтказиб юборади. Бу ҳақда "BeSoccer" хабар бермоқда.
Карвахаль "Райо Вальекано"га қарши баҳсда (1:1) майдондан четлатилди. Камавинга эса ўша ўйинда сариқ карточка олди, бу унинг мавсумдаги бешинчи карточкаси эди.
Шу тариқа, иккала футболчи ҳам "қаймоқранглилар"нинг миллий чемпионатдаги навбатдаги ўйинини ўтказиб юборишга мажбур.
"Реал" – "Севилья" учрашуви 25 февраль куни бўлиб ўтади.
