Инсайдер Николо Скиранинг ижтимоий тармоқдаги маълумотига кўра, ҳар икки клуб 21 ёшли португалиялик футболчини қўлга киритиш бўйича фаол музокаралар олиб бормоқда.
"Вест Хэм" Премьер-лигани тарк этганига қарамай, клуб ўйинчининг сотувидан сезиларли маблағ олиши мумкин. "Вест Хэм" асосий футболчилари билан хайрлашишга тайёр ва Чемпионшипга тушиб кетгандан кейинги молиявий йўқотишларни қоплаш учун Фернандешга 90 миллион евродан кам бўлмаган нарх белгилади.
Фернандеш 2025 йилнинг август ойида "Саутгемптон"дан 44 миллион евро эвазига "Вест Хэм"га ўтган эди. Ўтган мавсумда ярим ҳимоячи барча турнирларда 49 та ўйинда майдонга тушиб, 5 та гол ва 5 та голли узатмага муаллифлик қилди. Ўйинчининг клуб билан амалдаги меҳнат шартномаси 2030 йилнинг ёзига қадар мўлжалланган. Transfermarkt Фернандешни 50 миллион еврога баҳоламоқда.
