Ўйин кутилмаганда 0:0 ҳисобида якун топди. Ўйиндан кейин “темирйўлчилар” дарвозабони Равшан Элибоевнинг фикрларига қулоқ тутдик.
“АГМК билан жуда қизиқарли ўйин бўлди. Назаримда, мухлисларга ҳам манзур келди. Айтиш керакки, чемпионлик учун курашаётган икки жамоа ўртасидаги баҳс эди. Иккала жамоа ҳам ғалабага лойиқ ўйин намойиш этди.
Бундан аввалги “Насаф”га қарши ўйинда ҳам қийинчиликларга дуч келдик. Ҳаттоки, 3:1 ҳисобида ҳам рақибга имкониятни бой бераётгандик. Йигитлар ғалаба йўлида характер намойиш қилган ҳолда охиригача курашди. Бу эса муваффақиятимизга сабаб бўлди”, - дея сўзини якунлади Элибоев.
