Расмий хабар. Криховяк ПСЖ футболчисига айланди
03 июл 2016 16:55
Янгиликлар

Расмий хабар. Криховяк ПСЖ футболчисига айланди

Польша терма жамоаси ярим ҳимоячиси Гжегож Криховяк фаолиятини Франция чемпиони “Пари-Сен-Жермен” клубида давом эттиради.

“Севилья” клубининг 26 ёшли футболчиси “ПСЖ” билан расман шартнома имзолади. Парижликлар билан келишув 2021 йилга қадар амалда бўлади.

Гжегожни шахсан “Севилья” клубининг эндиликда собиқ бош мураббийи Унаи Эмери Парижга таклиф қилди. Эмери шу ҳафта “ПСЖ” бош мураббийи этиб тайинланган эди.

Эслатиб ўтамиз, Криховяк 2014 йили Франциянинг “Реймс” жамоасидан “Севилья”га кўчиб ўтган эди. Польшалик футболчи андалусияликлар таркибида 90та учрашувда майдонга тушган.