"Вулверхэмптон" ҳужумчи Диего Коста билан шартнома имзоланганини эълон қилди.
Англия клуби 33 ёшли форвард билан мавсум охиригача келишув тузилгани ҳақида маълумот берди.
Коста аввал АПЛда ўйнаган — у 2014 йилдан 2017 йилгача "Челси" шарафини ҳимоя қилган. У Лондон клуби билан икки марта чемпионликни қўлга киритган.
Ҳужумчи шу йилнинг январь ойида "Атлетико Минейро"ни тарк этганидан кейин олти ойдан кўпроқ вақт давомида эркин агент мақомида эди.
