Расман: "Атлетико" "Валенсия" ярим ҳимоячисини ўз сафига қўшиб олди

Бу ҳақда "Атлетико" расмий матбуот хизмати хабар бермоқда.

27 ёшли футболчи "матрасчилар" билан 2024 йилга қадар мўлжалланган шартномага имзо чекди. Битим нархи ошкор этилмаяпти, аммо Marca'нинг хабарига кўра, Мадрид клуби "кўршапалаклар"га 15 млн евро атрофида тўлаган.

Кондогбиа "Ланс" тарбияланувчиси ҳисобланади (2010-2012 йилларда ўйнаган) ва шундан сўнг "Севилья", "Монако" ва "Интер" клублари шарафини ҳам ҳимоя қилган. Хавбек "Валенсия"га дастлаб ижара асосида келган, кейинчалик эса тўлақонли шартнома тузилган. Жоффрей 2013-2015 йилларда Франция терма жамоаси чақирилган, кейин эса футболчи МАР (Марказий Африка Республикаси) термасида ўйнашга қарор қилган.

Кондогбиа жорий мавсум Ла Лига доирасида 5та ўйинда майдонга тушди.

Таъкидлаш керакки, Жоффре "Арсенал"га трансферлар ойнасининг сўнгги дақиқаларида ўтиб кетган Томас Партига ўринбосар сифатида кўрилмоқда.