Раҳимжон Давронов: "Навбаҳор"даги келажагимга ишонмадим"
19 ноя 2022 19:12
Янгиликлар

Раҳимжон Давронов: "Навбаҳор"даги келажагимга ишонмадим"

"Навбаҳор" дарвозабони Раҳимжон Давронов клубни тарк этди.

Посбон наманганликлар сафида захирада қолиб кетди. Самвел Бабаян айни вақтда Ўткир Юсуповга имконият бергани сабаб Давроновни захирада қолдиришга қарор қилди.

"Навбаҳор" учун 2022 йилги мавсум ёмон ўтгани йўқ. Мақсадимиз Осиё Чемпионлар Лигасига йўлланма олиш эди. Биз сўнгги турга қадар чемпионлик учун ҳаракат қилдик. Аммо озгина омад етишмади. Биринчи мавсум учун ёмон натижа қўлга киритилмади. Ўйлайманки, мавсум яхши якунланди.
Тўғриси, "Навбаҳор"даги келажагимга ишонмадим. Чунки менга имконият жуда кам берилди. Ўйин амалиётисиз қолишни истамайман. Клуб билан ўзаро шартнома муддати ҳам якунланди.
Суперлига клубларидан таклифлар бор. Энди шошилмасдан, яхшилаб ўйлаб, якуний қарорга келаман.
Аслида клуб мени харид қилганди. Шу сабаб "Навбаҳор"га ўтгандим. Ўйлайманки, энди янада яхши бўлади", – деб ўз фикрларини якунлади Давронов.

Ҳавола :

Манба : championat.asia

Янгиликларни Телеграмда ўқинг!

Рейтинг: +13