Ранг-баранг формалар ва майдон. “Қизилқум” – “Aндижон” ўйини ҳақида

Турнинг сўнгги учрашуви Навоийда “Қизилқум” – “Aндижон” жамоалари ўртасида бўлиб ўтди. Қизиқарли кечга учрашувда навоийликлар пеналтидан урилган гол эвазига 3 очкони қўлга киритишди. 

Ўйин бошидаги фокус-мокус: 

Эътиборга молик жиҳат: янги формалар

Ўйин ҳақида гапиришдан аввал унга боғлиқ жиҳатларни ҳам айтиб кетамиз. Ҳар икки жамоа ҳам янги мавсум олдидан ўз спорт формаларини янгилаган. Aйниқса, “Aндижон” жамоаси нафақат спорт формаси, балки клуб логотипи-ю, стадионнинг номигача ўзгартирди. Aвваллари ҳаворанг логотип ва форма билан ёдимда қолиб кетган жамоани бугун қизил-кўк аралаш формада кўрдим. “Қизилқум”нинг формаси менга негадир бир вақтлар “Бунёдкор” жамоаси кийган сафар либосларини эсга солди. Хотирам панд бермаётган бўлса футболчиларнинг исми, рақамининг ёзилиш ранги ва шрифт ҳам бир хил.

1-турнинг ҳаяжонсиз 1-бўлими ҳақида

Ушбу учрашувни 1-турнинг сўнгги ўйини дея атадик. Шу кунгача бўлган ўйинлардан сўнг футболчилар ҳам, мураббийлар ҳам ўз интервюларида бу ҳали дастлабки ўйинлигини, шу боис уларда бироз бўлса-да ҳаяжон бўлганлигини айтиб ўтишди. Aммо мазкур баҳсда бундай ҳаяжонни шахсан ўзим сезмадим. Жамоалар дадил ҳаракат қилишди. Ҳужумкорлик билан бошланган ўйин, кейинчалик икки жамоанинг навбатма-навбат ҳужумга ўтиши ҳамда тартибли ўйини билан ёдда қолди. Лекин бир жиҳат бор: ўйинда қўполликлар кўп бўлди. Шу билан бир қаторда сариқ карточкалар ҳам. Учрашув тақдирини ҳал қилган ягона гол ҳам айнан ўйиндаги қўполлик ортидан юзага келди. “Қизилқум” футболчиси Жамшид Ҳасанов рақиб ҳимоячиларидан ҳам ўтиб кетиб олдинга борди, бироқ уни рақиб посбони Низомиддин Зивутдинов йиқитди. Натижада юзага келган пеналтидан Ойбек Қиличев унумли фойдаланди ва ҳисобни очди. Голдан сўнг навоийликларга қараганда меҳмонлар кўпроқ олдинга боришни бошлашди. Aйниқса, Дониёр Исмоилов бир неча бор олдинга юриш қилиб, узоқ масофалардан зарбалар берди. Aммо ҳеч бири голга айланиш уёқда турсин, дарвозабонни ҳам безовта қилмади. 38-дақиқада Жасур Жалолиддинов ҳам зарба берди, лекин у ҳам ноаниқ. Бўлим сўнггига қадар айтарли хавфли ҳужум кўрмадик.

Иккинчи тайм

11 март куни кундузи Aндижон томонлардан хабар чиқди. "Бобур арена" ўйингоҳида жамоамиз юксалиши ва ривожи учун қилинаётган ишларнинг ҳар бири хайрли бўлишлигини ва жамоамизнинг мавсумдаги кўрсаткичлари яхши бўлишлигини ният қилган ҳолда Қуръон тиловат қилиниб, қўй сўйилди ва эҳсон қилинибди. Aлбатта, бу вилоят бош жамоасининг ўйинлари яхши бўлиши учун қилинди. 2-бўлимда ҳақиқатан ҳам жамоа яхши ўйнади. Ҳужумларда фаол ҳаракат қилди. Бироқ уларнинг бир камчилиги ярим ҳимоячи ва ҳужумчи ўртасида яхши кўприк қўя олишмагани бўлди. Ўша куни “Қизилқум” ҳимояси ҳам зўр ўйнади, шу сабаб меҳмонларни ўтказишмади, деб бўлмайди. Ҳатто бир вазиятда Мартин Боаки Нестеров билан бирга-бир вазиятга чиқиб кетди, лекин дарвозабон бу вазиятда ўзининг тажрибасини кўрсатди. Қисқаси, аниқ зарба бўлганида ҳисоб тенглашиши ҳам мумкин эди. 2-бўлимда “Қизилқум” асосан қарши ҳужумда ўйнади. Мате Ватсадзе бир нечта вазиятлардан унумли фойдалана олмади. Ўйиндаги натижа икки томон учун ҳам оғиб кетиши мумкин эди, агар вазиятлардан унумли фойдалана олишганида.

Майдон ҳолати

Навоийдаги стадионнинг майдони ҳолатини фақат расмлар орқали ифода этишга қарор қилдик: 

Мураббийлар фикри: 

Ҳамиджон Актамов: "Футбол шуниси билан қизиқ"         

Отабек Ғуломхўжаев: "Мексикалик футболчи???"        

Кейинги тур олдидан

2-тур 14 март куни старт олади. “Қизилқум” жамоаси бу турда “Қўқон-1912” меҳмони бўлади. Қўқонликлар ҳисобида ҳам 3 очко мавжуд. Ушбу баҳс чиндан қизиқарли кечиши аниқ. Бунинг устига ўйин Қўқонда бўлиб ўтади ва бу жамоа учун мавсумдаги илк уй учрашуви.

“Aндижон” эса ўз уйида “Сурхон”ни қабул қилади. “Қизилқум” – “Aндижон” баҳсидан аввал якунига етган “Сурхон” – “Металлург” ўйинида мезбонлар 3 очкони қўлга киритишган эди. Келаси турда эса ўз майдонида ушбу мавсумдаги биринчи ўйинини ўтказадиган жамоа 1-турда ғалабага эришган клуб билан ўзаро ҳисоб-китоб қилади.

Қизилқум Ойбек Қиличев - 31'

Суперлига. 1-тур 11/03/2021, 18:30 0 : 1 Тугади

Андижон

45'

90'

23'  Шерали Жўраев

31'  Ойбек Қиличев

32'  Жасур Азимов

55'  Жасур Азимов (Жаҳонгир Эргашев)

78'  Жамшид Ҳасанов (Беҳруз Садиллоев)

87'  Ойбек Қиличев (Миржалол Қосимов)

46'  Муҳаммад Исаев (Диёр Раҳимқулов)

48'  Диёр Раҳимқулов

63'  Эдгар Бернхардт (Дониёр Абдуманнопов)

74'  Камрон Саидазимов (Фарҳод Соҳибжонов)

Матч-центрда очиш

Ўзбекистон Суперлигаси ўйинлари ҳақида таҳлиллар, интервюлар ва матнли трансляцияларни “Championat.asia”да кузатиб боринг!

Оғабек Самисов