UZ

Сўнгги янгиликлар

14:32Орзу йўлининг муваффақиятли якуни ёхуд ҳар қадамда тарихга кирган Кападзе   1 14:11"Реал" 39 ёшли футболчи билан шартнома имзолаши мумкин?!  3 13:40ЦСКА бош мураббийи клубдан кетишга яқин  3 13:12"Ньюкасл" "Манчестер Юнайтед"нинг собиқ вингерини харид қилиши мумкин  0 12:42Гвардиола Ямал ҳақида: "Афсусдаман, аммо Мессига ўхшаши бўлмайди. Бу имконсиз"  12 12:12Ўзбекистоннинг 17 клуби ОФК лицензиясини қўлга киритди, аммо...  0 11:41Жака Италия гранди сафига ўтиши мумкин  2 11:17Осимхен "Ал Ҳилол"га ўтмоқдами?  1 10:50“Челси“ ва “Арсенал“да ўйнаган футболчи фаолиятини Бразилияда давом эттиради  0 10:33Расман. Ўруновнинг ўрнига Абдихолиқов чақирилди  11 10:17“Челси“ “Барселона“ ярим ҳимоячиси учун 75 миллион евро таклиф қилд  4 09:42“Барселона“ ҳимоячиларидан бири билан шартномани бекор қилишга яқин турибди  1 09:05Жаҳон чемпионати қуръаси қачон бўлади?   30 08:33"Ливерпуль" супер трансфер бўйича келишувга эришди  11 08:02Лазаревич: "Айрим вазиятларда футболчилар бир-бирини тушунишмади"  0

Отабек Ғуломхўжаев: "Мексикалик футболчи???" Янгиликлар

Отабек Ғуломхўжаев: "Мексикалик футболчи???"

Суперлиганинг 1-туридан ўрин олган "Қизилқум" - "Андижон" (1:0) учрашувидан кейин меҳмонлар бош мураббийи Отабек Ғуломхўжаев ўз фикрларини билдирди.

- Бугунги учрашув ҳақида нима дея оласиз?
- Авваламбор “Қизилқум” жамоасини ғалаба билан табриклайман. Ўйинни кўрдинглар, яхши ўтди, курашларга бой бўлди. Тўғриси, яхши ўйнаб туриб ютқазиш алам қилади. Уч очкони қўлдан чиқардик.

- Бугун икки хил футбол кўрдик. Биринчи бўлимда “Қизилқум” яхши ўйнади. Иккинчи бўлимда эса “Андижон”. Бунинг сабаби нимада?

- Жамоамиз ўтган йилгидан кўра 90 фоизга янгиланди. Янги ўйинчилар келган, энди шаклланяпти. Балки мослашиш учун вақт керак бўлгандир. Лекин дастлабки 15 дақиқада ҳам тўпнинг назорати бизда эди. Белгиланган пенальти бироз бўлса-да, йигитларга таъсир қилди. Футболчилар саросимага тушишди. Иккинчи бўлимда анча ҳужумкор ўйин намойиш этдик. Йигитларга қўрқмасдан олдинга ўтишларини айтдик.

- Жасур Жалолиддиновнинг ўйинидан қанчалик қониқиш ҳосил қилдингиз?

- Жасурнинг ҳозирги ҳолатини билганим учун айтаманки, у бугун 50 фоиз кучи билан ўйнади. Чунки маълум вақт жамоасиз, машғулотсиз қолиб кетди. Тўғри, индивидуал тарзда шуғулланди. Аммо жамоамизга қўшилганига бугунги ўйинни ҳам ҳисобласак бор-йўғи беш кун бўлди. Унинг индивидуал маҳоратини ҳамма билади. Боя айтганимдек, 50 фоиз кучи билан тўп тепди. Аммо Жалолиддинов ҳали чемпионатда ўз сўзини айтади.

- Яқинда жамоага мексикалик футболчининг келиб қўшилиши ҳақида хабар чиқди. Эртага Ўзбекистонда трансфер ойнаси ёпилади. Мексикалик футболчини "Андижон"да кўрамизми?
- Тўғриси бу маълумотни сизлардан эшитмоқдаман. Лекин сизлар билгунингизгача ҳам шундай гаплар юрганди. Ҳозир бу борада аниқ фикр билдира олмайман. Барчасини клуб спорт директоридан сўраб кўришим керак.


Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика