“Қўқон-1912” Навоий шаҳрига етиб келди

Кеча тушликдан сўнг Навоий томон йўлга чиққан “Қўқон-1912” ФК делегацияси Тошкент-Навоий йўналиши бўйича бугун тонг саҳарда манзилга етиб келди.

Жамоамиз Навоий шаҳридаги “Максимум” меҳмонхонасига жойлашди. Ҳамманинг кайфияти юқори.

Таркибда йўқотишлар бор. Улар кимлар эканлигини яхшиси, ўйин давомидаги шарҳда айтиб ўтамиз (рақиб жамоага қўл келмаслиги учун).

Бугун ёшларимиз “Қизилқум” ёшларига қарши баҳс олиб боради. Ўйлаймизки, Муҳсин Низомиддинов шогирдлари мағлубиятсиз одимини ушбу турда ҳам давом эттиради. Учрашув соат 17:00да бошланиши кўзда тутилган.

Олий лига доирасидаги “Қизилқум” – “Қўқон-1912” баҳси эса эртага 18:30да бошланади.