"Қўқон-1912": Машғулотлар давом эттирилади

Аниқроғи, 5 март куни 2016 йилги Олий лига баҳсларига старт берилади. Янги мавсум арафасида ҳар бир жамоа ўз таркибини имкониятидан келиб чиқан ҳолда тўлдиришга муваффақ бўлди. Жумладан, бизнинг жамоамизга ҳам бир қатор янги ўйинчилар келиб қўшилишди.

Бу йилги мавсум ҳам қизиқари ва кескин курашларга бой тарзда ўтишини тахмин қилиш мумкин.

Жамоамиздаги янгиликларга келасак, “Навбаҳор” билан ўйиндан кейин футболчиларга бир кунлик таътил берилди. Бугундан эса яна машғулотлар икки маҳалдан ўтказилади. Барчанинг эътибори “Обод” билан бўлиб ўтадиган учрашувга қаратилган.

Эслатиб ўтамиз, 1-турда “Қўқон-1912” жамоаси айнан олий лига дебютани “Обод” жамоасини қабул қилади. Мазкур учрашув 5 март куни Қўқондаги “Марказий” ўйингоҳда бўлиб ўтади. 4 март куни эса ушбу жамоаларнинг ўринбосарлари Ёшлар лигаси доирасида майдонга тушишади.

Айтганча, бугун ва эртага мамлакатимизнинг тўртта етакчи жамоалари Осиё Чемпионлар лигаси доирасидаги иккинчи тур ўйинларини ўтказишади. Тақвимга кўра, тўрт жамоамиз яна Саудия Арабистонининг тўрт жамоасига қарши ўйнайди. Бу гал “Локомотив” ва “Пахтакор” меҳмонда тўп сурса, “Бунёдкор” ва “Насаф” рақибларни ўз майдонида қабул қилади. Фурсатдан фойдаланиб, ОЧЛда иштирок этаётган жамоаларимизга омад тилаб қоламиз.