«Қўқон-1912» жамоаси легионери билан келишувни бир йилга узайтирди

«Жамоамизга ёзда келиб қўшилган грузиялик ярим ҳимоячи Шота Гвазава «Қўқон-1912» жамоасининг асосий футболчисига айланиб олди.

Иккинчи даврадаги ишончли ўйинлари орқали мухлислар эътиборига тушган футболчи билан жамоамиз келишувни яна бир йилга узайтиришга қарор қилди ва эндиликда ярим ҳимоячи келаси мавсум ҳам «Қўқон-1912» либосида ҳаракат қилади», — дейилган қўқонликлар матбуот хизмати томонидан берилган хабарда.

Шота жорий мавсум «Қўқон-1912» сафида 11 та учрашувда майдонга тушди ва ўз ҳисобига 1 тадан гол ва ассист ёзиб қўйди.