"Қизилқум" Воҳид Шодиев, Йованович, Бойдуллаев ва Жасур Ҳасановга қизиқмоқда

"Қизилқум" бугундан Тошкентда йиғинни бошлади. Олдинроқ маълум қилинганидек Ҳамза Каримов жамоа ихтиёрига келиб қўшилди. Раҳбарият бир қатор футболчиларга таклиф билан чиққан. Бу ҳақда "Футбол Экспресс" газетаси хабар берди.
 
Жумладан Малайзия чемпионатида ўйнаб қайтган Воҳид Шодиев, "Андижон" ҳужумчиси Неманья Йованович, "Насаф" ярим ҳимоячиси Эркин Бойдуллаев ва "Локомотив" ярим ҳимоячиси Жасур Ҳасанов билан музокаралар олиб борилмоқда. Агар барчаси яхши кечса бу футболчилар иккинчи даврани "Қизилқум"да бошлашади.