Превью. "Сўғдиёна" - "Пахтакор"

«Сўғдиёна» (Жиззах) – «Пахтакор» (Тошкент)
11 июнь 2016. Жиззах. "Сўғдиёна" стадиони. 19:00
Ҳакамлар: В. Серазетдинов (Тошкент), А. Калинин (Қарши), В. Лушин (Гулистон), Р. Абдувоҳидов (Қарши)
Назоратчи: А. Абдуллаев (Тошкент).
УзПФЛ вакили: В. Штерн.

“Сўғдиёна” ҳамда “Пахтакор” клублари олий лигада шу кунгача 40 бор куч синашишган. “Пахтакор” 32та ўйинда ғалаба қозонган. 4та учрашувда “Сўғдиёна”нинг қўли баланд келган. 4та ўйинда дуранг қайд этилган. Тўплар нисбатида устунлик “Шерлар” томонида: 107:35. “Пахтакор” ўзаро ўйинларда 100 очкога эга бўлган, “Сўғдиёна” эса 16 очкони қўлга киритган. “Пахтакор”нинг “Сўғдиёна” устидан қозонган энг йирик ғалабаси 6:1га тенг бўлса, “Сўғдиёна”нинг тошкентликлар устидан эришган энг йирик ғалабаси – 4:1.

2015 йил “Сўғдиёна” майдонида ўтган баҳсда Игорь Сергеевнинг дубли ва Шерзод Каримовнинг битта голи “Пахтакор”га йирик ғалаба келтирган – 3:0. Тошкентда ҳам Сергеев дублга эришган. Яна бир голга Егор Кримец муаллифлик қилган. “Сўғдиёна” сафида ягона жавоб голини Санжар Рашидов мезбонлар дарвозасига урганди – 3:1.

“Сўғдиёна” майдонида бўлиб ўтган сўнгги беш учрашув:
23.05.2015 «Сўғдиёна» - «Пахтакор» 0:3
14.06.2014 «Сўғдиёна» - «Пахтакор» 0:1
05.05.2013 «Сўғдиёна» - «Пахтакор» 0:0
10.04.2011 «Сўғдиёна» - «Пахтакор» 1:2
25.04.2009 «Сўғдиёна» - «Пахтакор» 0:2

Ўзаро ўйинлар ҳақида факт: “Сўғдиёна” ўз майдонида ўтказган 20та ўйиннинг учтасида ғолиб чиққан. 3та беллашувда томонлар очколарни бўлиб олишган. Қолган 14та учрашувда “Пахтакор” сафарда уч очкони ўзиники қилган. Сўнгги бор “Сўғдиёна” 1999 йил “Пахтакор”ни мағлуб эта олган.