Превью. "Шўртан" - "Қўқон-1912"

«Шўртан» (Ғузор) – «Қўқон-1912» (Қўқон)
1 октябрь 2015. Ғузор. "Ғузор" стадиони. 16:30
Ҳакамлар: Р. Бобомуродов (Навоий), Б. Қодиров (Бухоро), А. Қўлдошев (Бухоро), А. Рубаков (Тошкент)
Назоратчи: С. Эрматов (Тошкент).
ЎзПФЛ вакили: Р. Черников.
 
“Шўртан” ҳамда “Қўқон-1912” клублари олий лигада бугунга қадар фақат бир марта тўқнаш келишган. 2015 йилнинг биринчи даврасида Қўқонда бўлиб ўтган ўйинда мезбонлар зафар қучишган. Ўша ўйинда ғузорликлар ҳимоячиси Шерзод Шарипов ўз дарвозасига тўп киритиб қўйиб ҳисобни очганди. Носир Отақўзиев "Шўртан" дарвозасига иккинчи голни урди. Мухтор Қурбонов шогирдлари бунга фақат Виктор Карпенконинг голи билан жавоб беришганди - 2:1.

“Қўқон-1912” бу мавсумда 23та ўйинда қатнашди. 7 марта рақибни мағлуб этди ва 2 бор дуранг ўйнади. Қолган 14та учрашувда ютқазиб қўйди. 23 очко билан мусобақа жадвалининг 12-поғонасида бормоқда. Жамоа ўз майдонида 5 бор ютиб, 5 бор ютқазган. 2 марта дуранг ўйнаган.

“Шўртан” 23та учрашувда 6та ғалаба, 7та дуранг ва 10та мағлубият қайд этди. Ғузорликлар 25 очко билан мусобақа жадвалининг 11-поғонасида боришмоқда. Мухтор Қурбонов жамоаси бунга қадар сафарда 11та ўйин ўтказишди ва 4та ғалаба ва 4та дурангга эришди, 3 бор мағлуб бўлди.