Пирс Морган Криштиану Роналдунинг ҳаётидаги "энг очиқ" интервьюни эълон қилди. Суҳбат кейинги ҳафта премьера қилинади

Британиялик журналист ва телебошловчи ижтимоий тармоқларда "Ал Насср" ва Португалия терма жамоаси ҳужумчиси билан янги суҳбатни эълон қилди ҳамда студиядаги футболчи билан биргаликда тушган суратини жойлаштирди

"Келаси ҳафта... Криштиану Роналду цензурасиз. Унинг ҳаётидаги энг шахсий ва очиқ-ойдин суҳбат," дея ёзди Морган.

Эслатиб ўтамиз, 2022 йилда Роналду Морганга шов-шувли суҳбат берган ва унда "Манчестер Юнайтед"ни танқид қилиб, клуб 2009 йилдан бери ривожланмаётганини, раҳбарият ва мураббий Эрик тен Хаг уни ҳурмат қилмаслигини айтганди. Бу клуб билан шартноманинг бекор қилинишига ва Криштианунинг "Ал Насср"га ўтишига олиб келганди.