"Пахтакор" дарвозабонига 2014 йил "Локомотив"дан таклиф бўлганмиди?

Посбон 2019 йилга келибгина фаолиятини пойтахтга боғлаган ва "Пахтакор" билан шартнома имзолаган. Аслида бу воқеа 2014 йил юз бериши мумкин эди. Ўшанда Санжар Қувватовнинг хизматларига "Локомотив" қизиқиш билдирган, иккинчи даврани эса "темирйўлчилар" сафида бошлашга яқин келганди. Бу борада футболчи қуйидагича фикр билдирди. Маълумот учун, Санжар Қувватов 2008-2016 "Машъал", 2016-2018 "Насаф" дарвозасини қўриқлаган. 

"Бундай таклиф бўлганини эслолмайман. "Машъал"да 10 йил тўп тепдим. Яхши кунлар ҳам бўлди, ёмон кунлар ҳам. Ўшанда сўнгги йилларда ўзимда пасайишни сездим ва жамоадан кетишга қарор қилдим. "Насаф"дан тушган таклифга эса иккиланмасдан рози бўлдим",- дейди Санжар Қувватов.