"Пахтакор" "Бунёдкор" билан ўйинда нега қийналди?

Учрашувдан кейин "шерлар" дарвозабони Элдорбек Суюновнинг фикрларига қулоқ тутдик:

"Дербига хос баҳс бўлди, деб ўйлайман. Бугун жуда қийналдик. Бунинг асосий сабаби танаффусдан кейин энди 1-ўйинимизни ўтказаётганимиздир. Ритмга тушиб олсак, яна чиройли ўйинларимизни кўрсатиш осонроқ бўлади".

— 87-дақиқада Иброҳим Томива сизнинг дарвозангизга йўл топган эди. Бироқ, бу гол бекор қилинди. Тўп узатилган маҳалда ўйиндан ташқари ҳолат юзага келганини билганмидингиз?

— Ҳа, офсайдлигини аниқ кўрдим. Ҳар эҳтимолга қарши, охиригача курашишга ҳаракат қилдим. 

— Боян Матични машғулотларда кўрдингиз.Таасуротлар қандай?

— У таркибимизга қўшилганига 2 кун бўлди. Бугун 1-ўйинини ўтказди. Ҳали хулоса қилиш учун жуда эрта. Яна 1-2 ҳафта жамоа билан шуғулланса, муҳитга кўникиб ўзини яхши томондан кўрсатса керак.