Ўзбекистонлик ҳакамлар Роналду жамоаси иштирокидаги ОЧЛ баҳсини бошқаради
07 сен 2023 19:43
Янгиликлар
Ўзбекистонлик ҳакамлар Роналду жамоаси иштирокидаги ОЧЛ баҳсини бошқаради
Осиё Чемпионлар лигаси “E” гуруҳи 1-туридан ўрин олган “Персеполис” (Эрон) — “Ал Насср” (Саудия Арабистони) жамоалари ўртасидаги баҳсни Илгиз Танташев бошчилигидаги ўзбекистонлик ҳакамлар бригадаси бошқариб боради.
Танташевга қанотларда ФИФА ҳакамларимиз Андрей Сапенко ҳамда Тимур Гайнуллин ёрдам беришади. Шунингдек, захира ҳаками вазифасини яна бир топ ФИФА ҳакамимиз Аҳрол Рисқуллаев бажаради. Энг қувонарли жиҳати шундаки, илк бор ОЧЛ баҳсида ўзбек рефериси ВАРда ишлайди. ОФК ВАР курсини муваффақиятли якунлаган Фирдавс Норсафаров ушбу баҳсда АВАР сифатида иштирок этади. Бундан ташқари, ВАР курсини муваффақиятли якунлаган яна бир ҳакамимиз Абдурашид Худойберганов ҳам “Лион Сити” (Сингапур) – “Бангкок Юнайтед” (Таиланд) баҳсида АВАР вазифасини бажариши кўзда тутилган.
Маълумот учун, ушбу учрашув 19-20 сентябрь кунлари бўлиб ўтиши режалаштирилган. Ҳакамларимизга ушбу учрашувларда омад тилаймиз.
Ўхшаш янгиликлар
championat.asia
Суперлига. "Бухоро" ўз уйида бир киши кам "Нефтчи"дан очко тортиб олди
Суперлига. Чемпионлик учун курашаётган "Насаф" ўз майдонида "Машъал"га мағлуб бўлди
ЖЧ U-17. Ўзбекистон Ирландияга имкониятни бой берди
ЕЧЛ. Драматик кечган ўйинда "Барселона" меҳмонда "Брюгге" билан дуранг ўйнади
Фикрлар