Ўзбекистонлик 3 нафар ҳакам ОФК рекрутингида иштирок этди
24 фев 2024 15:45
Янгиликлар

Ўзбекистонлик 3 нафар ҳакам ОФК рекрутингида иштирок этди

Аввалроқ хабар берганимиздек, жорий йилнинг 18-22-февраль кунлари Малайзия пойтахти Куала-Лумпур шаҳрида ОФК рекрутинги бўлиб ўтиши режалаштирилган эди.

Ушбу рекрутинг-семинарида 3 нафар ҳакамимиз — Акобирхўжа Шукуруллаев, Фирдавс Норсафаров ҳамда Адҳам Риҳсибоев (футзал) иштирок этишди.

Семинар давомида ҳакамларнинг тил билиш даражаси ва жисмоний ҳолати текширилди. Фитнесс имтиҳонларидан сўнг, ўйин қоидалари бўйича назарий имтиҳон ўтказилди. Шу тариқа, рекрутингнинг дастлабки босқичи якунланди. Рекрутинг билан боғлиқ навбатдаги янгиликлар тез орада эълон қилиб борилади.