Ўзбекистонда биринчи кибер футбол сайти ишга тушди

UCFF.UZ сайтининг очилиш маросимига бағишлаб PS4 платформасида FIFA 16 бўйича кичик турнир ўтказилди.

Мусобақадаги кейинги баҳсини кутаётган иштирокчилар билан "Бунёдкор" стадионига саёхат уюштирилди ва ўйинчилар аренанинг музейи, матбуот-анжумани зали, футболчилар кийиниш хонасини томоша қилишди.

Мусобақанинг плей-офф босқичи BO3 регламенти асосида ўтказилди. Яъни 2 та ғалабага эришган ўйинчи кейинги босқичга чиқади. Турғунбоев Муҳаммадамин турнир ғолибига айланди. Абдуллаев Ҳусан, Усманов Санжар, Ибрагимов Ўктамлар 2-4 ўрингача бўлган жойларни эгаллашди.

Энди сиз UCFF.UZ сайтига кириб PS4 ва PC (компютер) платформаларида ўтказиладиган кибер футбол турнирларида қатнашиш имконига эга бўласиз. Тез орада Ўзбекистон чемпионати ва халқаро турнирлар ташкил этилиши кутилмоқда.

UCFF.UZ сайти очилиши "Бунёдкор" стадиони, "Бунёдкор" футбол клуби, "UPay" тўлов тизими ёрдамида амалга оширилди. Виртуал футбол порталининг ахборот ҳамкорлари "UZREPORT TV" телеканали ҳамда "Championat.asia" сайти.

Мурожаат учун телефонлар:
+99894 6067333
+99890 1685291