Ўзбекистон терма жамоаси ёпиқ ўйинда Қирғизистонни йирик ҳисобда таслим этди

Баҳс "Бунёдкор" стадионида ёпиқ эшиклар ортида ўтказилмоқда.

Ҳозирча, вакилларимиз 9 дақиқада Сардор Рашидов томонидан киритилган гол эвазига ҳисобда олдинда боришмоқда. Учрашувнинг 43 дақиқасида Игорь Сергеев терма жамоамизнинг иккинчи голини киритди.

Учрашувнинг иккинчи бўлими давом этмоқда.

Беллашувнинг 84 дақиқасида Сардор Мирзаев ҳисобни йириклаштириб қўйди.

Жалолиддин Машарипов ўйиннинг сўнгги дақиқасида тўртинчи голни урди.

Александр Гейнрих ҳакам томонидан қўшиб берилган дақиқаларда пенальтидан бешинчи голни урди.

Шу тариқа Самвел Бабаян бошчилигидаги Ўзбекистон миллий терма жамоаси ёпиқ эшиклар ортида ўтган баҳсда Қирғизистонни йирик ҳисобда таслим этди.

Назорат ўйини
Тошкент, "Бунёдкор" стадиони
25.08.2017, 20:00
Ўзбекистон - Қирғизистон 5:0
Голлар: С.Рашидов 9, И.Сергеев 43, С.Мирзаев 84, Ж.Машарипов 90+2, А.Гейнрих 90+4 (пен.)

Ўзбекистон: Игнатий Нестеров (Александр Лобанов, 74) - Фарруҳ Сайфиев (Владимир Козак), Анзур Исмоилов (Даврон Ҳошимов), Егор Кримец (Шерзод Аъзамов), Ислом Тўхтахўжаев (Акмал Шораҳмедов) - Отабек Шукуров (Азиз Ғаниев), Азиз Хайдаров (Жамшид Искандеров), Сервер Жепаров (Александр Гейнрих) - Сардор Рашидов (Сардор Мирзаев), Игорь Сергеев (Темурхўжа Абдухолиқов), Марат Бикмаев (Жалолиддин Машарипов).