Ўзбекистон терма жамоаси йиғин бошлади

Айни пайтда бош мураббий Хосе Мария Мендез ўз ватанида бўлгани туфайли машғулотни унинг ёрдамчилари Баҳодир Аҳмедов ҳамда Николай Одушевлар олиб боришмоқда. Йиғинга чақирилган футзалчилардан эрталабки машғулотда кичик жароҳати борлиги сабаб Рустам Умаров ва Константин Свиридовлар иштирок этишмади. Эрталабки машғулотда футзалчилар дастлаб югуришди, кейин эса тренажер залида шуғулланишди.

Йиғинга қуйидаги футзалчилар чақирилган.

№	Исми	Фамилияси	Жамоаси
1	Рустам	Умаров	“Олмалиқ”
2	Клим	Тюгаев	“Олмалиқ”
3	Акмал	Хазратқулов	“Дўстлик-AIN”
4	Феруз	Фахриддинов	“Дўстлик-AIN”
5	Константин	Свиридов	“Олмалиқ”
6	Жавлон	Аноров	“Олмалиқ”
7	Суннат	Куралов	“Олмалиқ”
8	Андрей	Шлема	“Олмалиқ”
9	Жамолиддин	Шарипов	“Олмалиқ”
10	Фарҳод	Абдумавлонов	“Ардус”
11	Дилшод	Раҳматов	“Ардус”
12	Даврон	Чориев	“Ардус”
13	Дилшод	Ирсалиев	“Ардус”
14	Нодир	Элибоев	“Ардус”
15	Илҳом	Ҳамроев	“Ардус”
16	Артур	Юнусов	“Ардус”
17	Даврон	Абдураҳмонов	“Ардус”
18	Элдор	Ҳошимов	“Ардус”

Эслатиб ўтамиз, футзал бўйича Ўзбекистон терма жамоаси 2016 йилнинг 10 — 21 февраль кунлари бўлиб ўтадиган Осиё чемпионатига тайёргарлик жараёнини олиб бормоқда. Қитъа биринчилиги финал босқичи учун ташланган қуръа натижасига кўра Ўзбекистон терма жамоаси "А" гуруҳидан ўрин олган. Гуруҳда Хосе Мария Мендез жамоасига Саудия Арабистони, Қирғизистон ҳамда Ливан жамоалари рақиб бўлади.

Таъкидлаш керакки, Тошкентда бўлиб ўтадиган ушбу мусобақада энг юқори 5 ўринини эгаллаган жамоалар 2016 йилнинг 10 сентябридан 1 октябригача Колумбияда бўлиб ўтадиган Жаҳон чемпионатига йўлланмани қўлга киритади.