Ўзбекистон - Аргентина. Бугунги ўйинга кириш бепул
03 фев 2021 10:40
Янгиликлар

Ўзбекистон - Аргентина. Бугунги ўйинга кириш бепул

Биласиз, футзал бўйича Ўзбекистон миллий терма жамоаси амалдаги жаҳон чемпионлари Аргентина вакиллари билан ўртоқлик учрашувлари ташкил этмоқда.

Бугун «Ўзбекистон» спорт мажмуасида футзалчиларимиз Аргентинага қарши навбатдаги баҳсда майдонга тушиб келади.

Ўзбекистон футбол ассоциацияси ўйинни бевосита аренанинг ўзидан томоша қилиб, юртимиз вакилларини қўллаб-қувватлаш истагида бўлган мухлисларга қулайлик яратиш мақсадида ўйинга киришни бепул қилиб белгилашга қарор қилди.

Мухлислар соат 17.30 дан бошлаб «Ўзбекистон» спорт мажмуасига ташриф буюришлари мумкин.

Санитария қоидаларига қатъий амал қилиш сўралади.

Бугун Ўзбекистон ва Аргентина ўртасидаги иккинчи ўйин бўлиб ўтади