UZ

Сўнгги янгиликлар

06:45А Серия. "Верона" - "Милан" 0:1  0 06:31Бундеслига. "Падерборн" - "Шальке-04" 1:5  0 05:47Лига 1. "Монако" - "Марсель" 3:4  0 05:37А Серия. "Рома" - "Сассуоло" 4:2  0 05:30АПЛ. "Уотфорд" - "Арсенал" 2:2  0 02:00Лига 1. "Монако" 2:0 ҳисобидаги устунликдан фойдалана олмади ҳамда яна омадсизликка учради  1 01:40А Серия. 2та қизил, 7та сариқ ва "Милан" сафарда "Верона"ни таслим этди  4 01:10ОФК Президенти Тошкентга етиб келди  16 00:50"Барселона"нинг навбатдаги футболчиси ўғирлик қурбонига айланди  5 00:34"Навбаҳор"нинг Намангандаги нохуш серияси давом этди, Арвеладзедан эса қизиқ статистика  18 00:25Аргентина Суперлигаси. Марадона янги жамоаси бошқарувида илк учрашувни ўтказди  1 23:40РПЛ. "Краснодар" – "Крилья Советов" баҳси голларга бой ўтди, Соболев эса Шомуродовга етиб олди  6 23:05А Серия. "Рома" мавсумда илк бора ғалабага эришди, Мхитарян эса дебют голини урди  1 22:55Бундеслига. "Шальке" меҳмондаги йирик ғалаба билан 4-турга якун ясаб берди  0 22:30Ўртоқлик ўйини. Ўзбекистон U-19 термаси иорданиялик тенгқурларига қарши дастлабки учрашувни ўтказди  7

Отабек Ғуломхўжаев: Берлин академиясига қарши ўйинларда турли тактик услубларни синаб кўрамиз Янгиликлар

Отабек Ғуломхўжаев: Берлин академиясига қарши ўйинларда турли тактик услубларни синаб кўрамиз

Бугун Андижонда катта футбол байрами. «Соғлом авлод» стадионида Ўзбекистон U-19 терма жамоаси Германиянинг Берлин академияси тарбияланувчилари билан ўзаро баҳс олиб боради.

Учрашувдан олдин оммавий ахборот воситалари учун матбуот анжумани ўтказилди. Андижон шаҳридаги «Велла Элегант» меҳмонхонасида уюштирилган матбуот анжуманининг биринчи қисмида меҳмонлар бош мураббийи Генри Ренош ҳамда жамоа сардори Лоуренц Дель иштирок этишди.

- Аввало бизни бу ерда жуда илиқ кутиб олишганидан хурсандмиз. Ўзбекистонда бўлиб турганимиздан жуда ҳам мамнунмиз. Бу ернинг одамлари меҳмондўст ва самимий экан. Умид қиламанки, учрашув қизиқарли ўтади ва мухлисларга ёқади, - деди Лоуренц Дель. Шундан сўнг Генри Ренош журналистлар саволларига жавоб бериб ўтди.

- Ўзбекистон U-19 терма жамоаси ҳақида фикрингиз қандай?

- Рақибни тўлиқ ўргандик дея олмайман. Лекин Ўзбекистон Осиё вакили ҳисобланади ва осиёликларнинг ўзига хос ўйин услуби бор. Европада эса бошқача услубда ўйналади. Шундай экан, бизни қизиқарли рақиб билан тўқнашув кутиб турибди, дея оламан.

- Андижонда илк бор бўлиб турибсиз. Шаҳар сизга ёқдими?

- Бу ерга келганимизга ҳали кўп бўлмади. Лекин ҳозирдан айтишим мумкинки, ҳаммаси ажойиб. Бўш вақтимиз бўлиши билан албатта Андижонни айланиб чиқамиз.

- Ўзингиз ишлаётган Берлин академияси ҳақида ҳам тўхталиб ўтсангиз?

- Биз асосан терма жамоаларга ўйинчи етиштириб беришни асосий вазифа қилиб қўямиз. Футболчиларни 14 ёшидан қабул қиламиз. Терма жамоага Берлиннинг олтита клубидан ўйнчиларни олганмиз. Ўзбекистон ёшларига қарши учрашув эса ўйинчиларимиз учун фойдали бўлади.

- Академияда таҳсил олган таниқли футболчилар борми?

- Албатта, бор. Масалан, ака-ука Боатенгларни айтишим мумкин. Шунингдек, «Челси»да ўйнаган Рюдигер ҳам бор. «Бавария» бош мураббийи Нико Ковач ҳам ушбу академиядан чиққан. Умуман олганда, бундай мисоллар кўп.

Бизни олдидан қизиқарли учрашув кутмоқда. Ўзбекистоннинг иқлими Германияникига қараганда иссиқроқ ва бу бизга бир оз қийинчилик туғдириши мумкин. Аммо ўйин кечки соат 6 дан кейин бошланар экан. Шу боис ортиқча муаммо бўлмайди деб умид қиламан.



Матбуот анжуманининг иккинчи қисмида Ўзбекистон U-19 терма жамоаси бош мураббийи Отабек Ғуломхўжаев иштирок этди ва унга футболчилардан Жасур Жалолиддинов билан Абдувоҳид Неъматов ҳамроҳлик қилишди.

- Очиғи, рақибимиз ҳақида кўп ҳам маълумотга эга эмасмиз. Биз ўз одатимизга кўра тайёрландик ва эртанги баҳсга тайёрмиз, деб айта оламан, - деди Отабек Ғуломхўжаев.

- Берлин академиясига қарши ўйинда Сиз учун натижа муҳимми?

- Биз биринчи навбатда жамоавий ўйинни шакллантиряпмиз ва турли тактик услублар устида ишлаяпмиз. Бу ўртоқлик ўйини. Ўйин давомида қандайдир хатолар кўзга ташланиши мумкин. Муҳими, кейин расмий ўйинларда ўша хатоларни такрорламайлик. Биз учун натижа фақат асосий босқичларда бўлади. Ҳозир эса натижа аҳамиятсиз.

- Айни пайтда сизни нима хавотирга солмоқда?

- Ростини айтсам, бизда марказий ҳимоячи билан боғлиқ муаммолар бор. Шу сабабли қанот ҳимоячиларини ушбу позицияда ўйнатишга мажбур бўляпмиз. Ўрта чизиқ вакилларидан эса кўнглим тўқ ва бу позицияда рақобат ҳам кучли.



- Ўйиннинг Андижонда ўтказилиши жамоа аъзоларига қанчалик таъсир қилиши мумкин?
- Ушбу ўйинга мухлислар томонидан қизиқиш катта. Стадионга кўплаб мухлислар келиши кутилмоқда. Бу биз учун жуда яхши. Чунки футболчиларимизни стадиондаги қайноқ муҳитда ўзларини қанчалик кўрсата олишларини билиб оламиз. Чунки биздаги ўйинчилар бундай мухлислар қаршисида ҳали кўп ўйнашмаган. Шу томонлама ҳам бу ўйиннинг биз учун фойдали томонлари кўп.

Жасур Жалолиддинов:

- Берлин жамоасига қарши яхши ўйин бўлади, деб ўйлайман. Бизда кучли таркиб шаклланмоқда. Бу жамоа билан нимагадир эришишимизга кўзим етади. Асосий таркибда ўйнаб ўзимга ишонч пайдо бўлганидан кейин менга янада қийин бўлди. Чунки бунинг масъулияти кўпроқ бўлади. Негаки, энди мендан кўп нарса кутишади. Натижада ўз устимда янада кўпроқ ишлаб, масъулиятни чуқурроқ ҳис қилишга ҳаракат қиляпман.

Абдувоҳид Неъматов:

- Барчамиз бўлажак баҳсга тўлиқ тайёрмиз. Стадионга йиғилган мухлисларни чиройли ўйин ва ғалабамиз билан хурсанд қилишга ҳаракат қиламиз.


Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг