"Osiyoning eng yaxshi o'yinchisi": Azmun - 2, Inesta - 4-o'rinda, Masharipov esa...

4 yanv 2021, 19:59

"Fox Sports Asia" kanali 2020 yil yakunlariga ko'ra o'tkazilgan "Osiyoning eng yaxshi o'yinchisi" nominaciyasi uchun ovoz berish natijalarini e'lon qildi.

Mazkur sovrin uchun ham Osiyo terma jamoalari, ham Osiyo klublarining o'yinchilari kurashdi. Birinchi o'rin "Tottenxem" forvardi Son Xyon Minga nasib qildi.

Kuchli beshlik quyidagicha ko'rinish olgan:

1. Son Xyon Min ("Tottenxem") – 286 ball;

2. Syerdar Azmun ("Zenit") – 89;

3. Junior Negao ("Ulsan Xenday") – 83;

4. Andres Inesta ("Vissel Kobe") – 44;

5. Yun Bit Garam (Ulsan Xenday) – 30.

Hamyurtimiz Jaloliddin Masharipov esa ro'yxatning 22-pog'onasidan o'rin egallagan (4 ochko). Xorazmlik futbolchi "Liverpul" forvardi Minamino va "Shanxay SIPG" hujumchisi Xalkdan oldinroqqa joylashgan.