Осиё Кубоги-2019. Туркманистон - Ўзбекистон. Учрашувдан олдинги еттита факт

1. Ўзбекистон Туркманистон билан Осиё Кубоги доирасида фақат бир марта тўқнаш келган. 2004 йилги мусобақада вакилларимиз 1:0 ҳисобида ғалаба қозонишган.

2.Туркманистон Осиё Кубогида жами 4та ўйин ўтказган ва умуман ғалаба қозона олмаган: 1та дуранг ва 3та мағлубият. Эътиборлиси учала мағлубият ҳам бир тўп фарқи билан бўлган.

3.Ўзбекистон терма жамоаси учинчи бор гуруҳ босқичини иккита ғалаба билан бошлаши мумкин. Ҳамюртларимиз 2004 ва 2011 йилда дастлабки икки учрашувда ғалаба қозонганди.

4.Туркманистоннинг Осиё Кубогидаги 4та ўйинида 15та гол урилган (6та гол урган ва 9та гол ўтказган). Битта баҳсга ўртача 3,8тадан гол тўғри келади.

5.Игнатий Нестеров Осиё Кубогидаги дебют учрашувини 2004 йил айнан Туркманистон билан баҳсда нишонлаган.

6.Туркманистон ҳам, Ўзбекистон ҳам 1-турда иккитадан гол уришди. Фақат натижалар турлича бўлди.

7.Туркманистон терма жамоаси аъзоси Арслонмурод Омонов Ўзбекистоннинг "Бухоро" клубида ўйнайди.