Осиё Кубоги-2019. Феликс Санчес Қатарнинг муваффақиятидан хурсанд

Бку жамоа гуруҳ ўйинларини Саудия Арабистони, Ливан ва КХДРга қарши ўтказади. Қатарликлар шу ойнинг ўзида тўртта ўртоқлик учрашувида майдонга тушишади: 23 декабрь Иордания, 25 декабрь Қирғизистон, 27 декабрь Жазоир ва 31 декабрь куни Эронга қарши.

Жамоа бош мураббийи Феликс Санчес бўлажак учрашувлар олдидан ўз фикрини билдирди:

"Тўртта ўйин биз учун фойдали бўлади. Биз шу баҳслар орқали жамоа ҳолатини яна бир бор текшириб оламиз. Ўйинлар якунига етиш арафасида БААга борадиган таркибни аниқлаб оламиз. Якуний рўйхат 26 декабрда эълон қилинади. Умуман олганда мен жамоам эришаётган натижалардан хурсандман".

Маълумот учун, испаниялик мураббий декабрдаги йиғинга 27 нафар футболчини таклиф этган. Қатар терма жамоаси шу пайтгача ўтказилган ўртоқлик учрашувларида Хитой, Фаластин, Эквадор ва Швейцарияни мағлуб этди. Исландия билан дуранг қайд этилган бўлса, Ўзбекистонга терма жамоасига қарши баҳсда мағлуб бўлишди.