Осиё Кубоги-2015. Рақибимиз Саудия йирик ҳисобда ютқазди + ВИДЕО

Мадрид шаҳрида бўлиб ўтган назорат беллашувида Саудия Арабистони Молдова термасига йирик 0:4 ҳисобида имкониятни бой берди.

Ўйиннинг биринчи таймида Хуан Рамон Лопес Каро шогирдлари 0:3 ҳисобида мағлуб бўлишаётганди, танаффусдан сўнг улар яна битта тўп ўтказиб юборишди. Энди саудияликлар навбатдаги ўртоқлик ўйинини Грузия термасига қарши ўтказишади.

Кечаги ўйинда Саудия Арабистони термаси дарвозасини Волид Абдуллоҳ қўриқлади. Майдондаги ўйинчилар эса қуйидаги тактик схема бўйича ҳаракат қилишди.

Чап қанот ҳимоячиси: Мансур Ал Ҳарби
Марказий ҳимоячилар: Осама Хавсави, Абдулло Ал Зоари
Ўнг қанот ҳимоячиси: Ҳасан Муат Фаллатаҳ

Чап қанот ярим ҳимоячиси: Ёсир Ал Шаҳрани
Марказий ярим ҳимоячилар: Сауд Харири, Тайсир Ал Жассим, Мустафа Ал Бассас
Ўнг қанот ярим ҳимоячиси: Фаҳд Ал Муваллад

Ҳужумчи: Носир Ал Шамрони

Бу ўйинда Саудия термаси бош мураббийи олтита ўзгаришни амалга оширди. Иккинчи таймда Волид Рашид, Абдулфаттоҳ Асири, Абдулмалик Ал Хайбри, Яҳё Ал Шеҳри, Омар Хавсави, Мотаз Хавсави каби футболчилар захирадан майдонга тушишди. Муҳаммад Ал Биши, Иброҳим Галеб, Аҳмад Ал Кассар, Фаҳад Ал Тунайян, Фаваз Ал Қарни, Али Ал Зубайди, Муҳаммад Қосим Ал Нахли сингари футболчилар эса ўйинда иштирок этишмади.

Эслатиб ўтамиз, Саудиянинг Испаниядаги йиғини 1 июнга қадар давом этади.



Хайрулла Холиқов.