"Олмалиқ" Арманистон клубини мағлуб этди

Аввал хабар берганимиздек, бу галги рақиб Арманистоннинг "Бананц" жамоаси бўлди. Учрашув анча қизиқарли ўтиб, голларга бой бўлди. 3:1 ҳисобида ғалаба қозонган "Олмалиқ" голларига Арслонмурод Омонов (пенальти), Ислом Исоқжонов  ва Камолиддин Мурзоевлар муаллифлик қилишди. Дастлабки икки гол биринчи таймда рақиб дарвозасига йўлланди. Захирадан майдонга тушган Диёр Туроповга ҳакам 90-дақиқада сўнгги чора сифатида қўллаган қўполлиги сабаб майдондан четлатди.

Ўйинда "Олмалиқ" шарафини қуйидаги футболчилар ҳимоя этишди.

"Олмалиқ": Никита Шквирин, Сарвар Жўраев, Евгений Гоголь, Адриан Кашкавал, Абдуқаҳҳор Ҳожиакбаров, Шавкат Саломов, Ғулом Ўрунов, Жаҳонгир Абдумўминов, Никита Павленко, Арслонмурод Омонов, Ислом Исоқжонов.

Захирадан майдонга тушганлар: Ислом Иномов, Саламат Қутибоев, Диёр Туропов, Неманья Йованович, Камолиддин Мурзоев, Муҳаммад Исаев, Зоҳир Пиримов, Дониёр Исмоилов.

"Олмалиқ"нинг навбатдаги ўйини 21 февраль куни ўтказилади. Навбатдаги рақиб Грозний шаҳрининг "Терек" жамоаси бўлиши мумкин.