UZ

Сўнгги янгиликлар

22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  4 21:49Уругвай термаси техник ҳамкорсиз қолди, жамоа брендсиз либосларда ўйнамоқда  1 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  0 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  3 20:15"Локомотив" "SWM Motors" билан ҳамкорлик шартномаси имзолади  0 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  0 19:50Улуғбек Бақоев: "Футболда шунақаси ҳам бўлиб туради"  12 19:33Кварацхелия "Наполи"дан кетмоқчи эмас  2 19:11"Арсенал" Йозуа Киммихга қизиқмоқда  7 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  14 17:43Винченцо Итальяно мавсум охирида клубдан кетади  0

Олий лигада ўйнамай легионерга айланган Ҳусниддин Ғофуровни табриклаймиз Янгиликлар

Олий лигада ўйнамай легионерга айланган Ҳусниддин Ғофуровни табриклаймиз

Бугун "Сурхон" жамоасининг тажрибали футболчиси Ҳусниддин Ғофуров таваллуд кунини нишонламоқда.

Куни кеча Ўзбекистон миллий терма жамоасидан таклиф олган  Ҳусниддин Ғофуров 26 ёшини қарши оляпти. Фарғоналик футболчи жорий мавсум бошида "Сурхон" жамоасининг аъзосига айланди. Бугунга келиб у жамоасининг ғалабаларида муносиб ҳисса қўшиб келмоқда. Қаҳрамонимиз футболга кириб келиши ва илк жамоаси ҳақида қуйидагича сўзлайди.

"Мактабда таҳсил олаётган пайтимдаёқ миллионлар ўйинига меҳрим тушиб қолган. Олтиариқдаги 38-мактабда ўқиб юрган кезларим жисмоний тарбия фанидан дарс берган Маҳмуд ака қўл остида машғулот ўтказардим. Ҳозир ҳам Олтиариққа борсам, албатта у киши билан кўришиб қайтаман. Кейин Фарғона футбол мактаб-интернатига ўтганман. Бу ерда мураббийлар Дурбек ва Равшан акалар қўл остида ўйнаганман. Кейин Фарғона вилояти иккинчи лигасида тўп тепдим. Хушбек Қосимов ва Баҳром ака жамоасида фаолият олиб бордим. Ўйинларимни кузатгач бир нечта клублардан таклифлар бўлди. Улар орасидан ўзим учун энг маъқули "НБУ-Осиё"ни танладим. Ўзимни биринчи лигада кўрсата олсам, янада кучли жамоаларга ўтиш имконияти пайдо бўлишини ўйлаганман. Мухтор Қурбонов бошчилигидаги "банкирлар" сафида бир мавсум тўп тепдим"


Эътиборга молик жиҳати шундаки, Ҳусниддин Ғофуров олий лигада ўйнамай туриб, биринчи лига клубидан легионерга айланган кам сонли футболчилар сирасига киради. Қанот ярим ҳимоячиси позициясида ўйнайдиган Ғофуров профессионал фаолиятини ўзи айтгандек 2012 йили "NBU-Осиё" жамоасида бошлаган. 2014 йил Сербиянинг "Явор" клуби билан шартнома имзолаб, тўрт йил давомида шу жамоа шарафини ҳимоя қилган. Кейин яна бир йил Сербиянинг бошқа бир клуби "Младост"да тўп тепган. 2018 йилги мавсумни тўлиқ "Локомотив" сафида ўтказди ва Ўзбекистон чемпиони бўлди. 

Унинг Ўзбекистон миллий терма жамоасидаги дебюти 2014 йилга тўғри келади. Ўшанда бош мураббий Миржалол Қосимов 20 ёшни қарши олиш арафасида турган Ҳусниддин Ғофуровни таклиф қилади ва Олмалиқ шаҳрида ўтказилган Уммон терма жамоасига қарши учрашувда ишонч билдиради. У илк чақирувдаёқ асосий таркибда майдонга тушганди. Шундан сўнг уни Олимпия терма жамоамиз бош Самвел Бабаян 2016 йил Қатар мезбонлигидаги Осиё чемпионатига олиб боради ва Жанубий Кореяга қарши учрашувда имконият беради. 

Сайтимиз ходимлари номидан Ҳусниддин Ғофуровга соғлик ва саломатлик, фаолиятида улкан зафарлар тилаб қоламиз!



Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика