"Олим Тўйчибоев жароҳат олгани учун Намангандаги учрашувда ишламаганди" — Лазиз Қўчқоров
07 сен 2023 17:21
Янгиликлар

"Олим Тўйчибоев жароҳат олгани учун Намангандаги учрашувда ишламаганди" — Лазиз Қўчқоров

ЎзФҲМ раҳбари Лазиз Қўчқоров жароҳатда эканлиги айтилиб, "Навбаҳор" – ОКМК учрашувидан олинган Олим Тўйчибоев нима сабабдан уч кун ўтиб Кубок баҳсида ҳакамлик қилганини тушунтириб берди.

"У ҳақиқатан жароҳат олганди. Ҳакамимиз 16-турда "Қизилқум" – "Металлург" учрашувда ишлади. Учрашув якунланганидан сўнг Олим бизга телефон қилди ва озгина жароҳат олганини ва маълум муддат давомида жароҳатини даволашини айтди.

Биз унга жароҳатни тиклаш учун 4-5 кун вақт бердик. Шундан сўнг уни 18-тур доирасидаги "Навбаҳор" – ОКМК учрашувига тайинладик.

Ҳакамлар ҳам машғулотлар олиб боради ва машғулотларнинг бирида у жароҳатини қайталаб олганини маълум қилди. Шундан сўнг уни Намангандаги учрашувдан олгандик.

Барчаси жойига тушганидан сўнг Олим Тўйчибоевни Кубок баҳсидан ўрин олган ОКМК – "Хоразм" учрашувига тайинладик", – деди Ҳакамлар маркази раҳбари.