Олий Лига тақвимида навбатдаги ўзгаришлар

Тошкентнинг «Бунёдкор» клубининг 6 нафар футболчиси Ўзбекистон миллий терма жамоасига, шунингдек мазкур клубнинг жами 12 нафар футболчиси турли ёшдаги терма жамоаларга чақирилгани боис, (ЎзПФЛ регламенти 4 модда, 4.24 бандига асосан) Олий Лига 3-туридан ўрин олган «Бунёдкор» (Тошкент) - «Шўртан» (Ғузор) учрашуви кечроқ муддатга қолдирилди.

Олий Лига 3-туридан ўрин олган «Пахтакор» (Тошкент) - «Бухоро (Бухоро) учрашуви эса, Ўзбекистон миллий ҳамда олимпия терма жамоаси сафида тўп сураётган «Пахтакор» футболчиларининг таркибга кечроқ келиб қўшилишлари боис, 2 апрелдан 3 апрель кунига кўчирилди.

Олий Лига 4-туридан ўрин олган «Локомотив» (Тошкент) - «Бунёдкор» (Тошкент) учрашуви «Бунёдкор» клубининг ОЧЛ 4-тури доирасида сафарда «Лаҳвия»га қарши ўйиндан кейин кечроқ етиб келиши боис, 12 апрель кунидан 13 апрель кунига кўчирилди.