Олег Зотеев: "Рақиб ҳимоясига босим ўтказиш мақсадида мени олдинга ўтказишди"

- Бутун ўзбек футболи шайдоларини ушбу ғалаба билан табриклайман. Ўзбекистон жамоалари ушбу мавсумда ҳам ОЧЛда кам очко жамғаришди. Биз кейинчалик ҳам квоталаримиз учун очколарни жамғаришга ҳаракат қиламиз. "Локомотив" мухлисларга байрам уюштириб берди. Албатта бу ютуқ барчани бирдек хурсанд қилди. Охирги йилларда ўзбек клублари чорак финалга чиқа олмай келаётганди. Сўнгги бор фақат "Бунёдкор" бу ишни уддалаганди. Биз ҳам ўз тарихимихда илк бор ушбу босқичга қадар етиб келдик. Натижа албатта кишини қувонтиради. Қўлимиздан келган барча ишни амалга оширдик ва ғалабани қўлга киритдик. Бирини учрашувдан сўнг уларни ўйинларини диққат билан ўргандик ва баъзи ўзгаришларга амалга оширилди. Шу боисдан ҳам мен ҳимоя чизиғидан қанот ярим ҳимоясига ўтказилдим. Уларнинг "Ал Ҳилол"ни чап қанотига кўпроқ хавф солиб, босимни кучайтириш мақсадида мураббийлар ушбу ўзгаришга қўл уришди. Эски жойимда ўзимни яхши ҳис этдим. Ўйин ёмон бўлмади деб ўйлайман.  Кейинги босқич? Бу кўп жиҳатдан жамоамиз сентябрь ойига қандай ҳолатда етиб келишига боғлиқ. Биз нима бўлган тақдирда ҳам узоқроққа боришга ҳаракат қиламиз. Қанчалик узоқроққа борсак, ўзбек футболи учун шунча яхши бўлади.