Нима учун футбол ўйинлари айнан 90 дақиқа давом этади?

Футбол спорт сифатида Англияда пайдо бўлгани сир эмас. Лекин, ҳамма ҳам аввал у қандай кўринишда бўлганини билмайди. Дастлаб, дарвозани икки устуни бўлган (тўсин бўмаган) ва мана шу икки устун орасидан исталган баландликда ўтган тўп гол дея ҳисобланган. 

Иккинчидан, майдонда бир вақтнинг ўзида 40 та футболчи ҳаракат қилган. Ҳар бир клубда 20 тадан. Қизиғи шундаки, дарвозабондан бошқа исталган майдондаги ўйинчи ҳам махсус қўлқоплвр ёрдамида қўл билан ўйнаши мумкин бўлган. Энг асосийси, футбол ўйинлари 890 дақиқа эмас, 120 дақиқа давом этган (2 та бўлим 60 дақиқадан).

Кейинчалик бу қоидаларга ўзгариш киритилди ва иккита янги ассосиация ташкил топди. Футбол Ассоцияцияси ва Регби иттифоқи. Бўлишига сабаб қоидалардаги норозиликлар бўлган ва ҳозирда Регби спорт турида барча қўл билан ўйнаши мумкин, футболда эса фақат дарвозабон. 

Ўзгаришлар футболнинг бошқа анъаналарига ҳам таъсир кўрсатди. Масалан, 1866 йили "Шеффилд" ва "Лондон" клублари ўртасидаги ўйин биринчи маротаба 90 дақиқа ичида якунланди. 1868 йилда майдондаги футболчилар сони 11 та бўлиши кераклиги айтилди ва дарвозаларнинг тўсини бўлиши лозимлиги тўғрисида қарор қабул қилинди.

Нима учун ўйин вақтлари қисқартирилди?

Биринчидан, ўйинчиларнинг жисмоний ҳолати. Улар ўйин бошида бўлгани каби ўйин сўнгида ўз даражаларида ўйнай олишмади ва чарчоқ аломатлари бунга ҳалал берди. Иккинчи сабаб эса, иккинчи бўлимда томошабинларнинг эътиборсизлиги, зерикиш бўлган. қилинди. 90 дақиқалик футбол баҳслари бу муаммони бартараф этди. 

Лекин, шундай бўлса ҳам аввалги футбол қоидалари сақланиб қолганини кўришшимиз мумкин. Катта мусобақаларнинг плей-офф ўйинларида ғолиб аниқланмаса, 15 дақиқалик иккита экстра-тайм ўйналади.