Неймарсиз ПСЖ “Барселона”га қарши, "Ливерпуль" охирги манзилга етиб келдими? (превью)
16 фев 2021 13:36
Янгиликлар

Неймарсиз ПСЖ “Барселона”га қарши, "Ливерпуль" охирги манзилга етиб келдими? (превью)

Еврофутбол ихлосмандлари кутган кун келди. Бугундан Европа Чемпионлар Лигаси плей-офф босқич баҳслари давом этади.

16 февраль оқшомида 2 та учрашувнинг гувоҳига айланишимиз мумкин. “Ливерпуль” Саксонияда меҳмон бўлса, “Барселона” ўз майдонида “Пари Сен-Жермен”ни қабул қилади.

“Барселона” – ПСЖ

Мазкур жамоалар ўртасида 2017 йилда ўтказилган ўйин (6:1) футбол тарихининг энг ёрқин саҳифаларидан жой олган эди. Орадан 4 йил ўтди. ПСЖ яна Каталонияга сафар уюштирмоқда. Парижликлар ўша мағлубият учун интиқом олишга ҳаракат қилиб кўриши табиий. Аммо, турнирнинг амалдаги финалчилари сафида жамоа етакчиси Неймар майдонга туша олмайди. Маурисио Почеттино, шунингдек, Бернат, Ди Мария, Дагба ва Пембеле сингари шогирдларининг хизматидан фойдалана олмайди. “Кўк-анорранглилар” таркибида эса Коутиньо, Серхи Роберто, Фати ва Араухонинг майдонга тушамаслиги аниқ. Пике ва Брейтвейтнинг ҳам учрашувда иштирок этиши сўроқ остида турибди.

“Пари Сен-Жермен” айни пайтда Франция чемпионатида 2-ўринни эгаллаб турибди. Етакчи “Лилль” билан орадаги фарқ 1 очкони ташкил қилмоқда. Париж клуби сўнгги бор 31 январь куни “Лорянь”га имкониятни бой бериб қўйган эди (2:3).

“Барселона” эса Ла Лига мусобақа жадвалида 3-ўринни банд қилиб турибди (46 очко). 1-ўриндаги “Атлетико” каталонларга нисбатан 1 та кам ўйин ўтказган, аммо орадаги фарқ 8 очкони ташкил қилиб турибди. Рональд Куман шогирдлари сўнгги бор 11 февраль куни “Севилья”га мағлуб бўлган эди. Испания кубогининг ярим финал баҳсида андалусияликлар 2:0 ҳисобида ғалаба қозонишди.

ТАХМИНИЙ ТАРКИБЛАР
"Барселона": тер Штеген; Дест, Мингеса, Лангле, Альба; де Йонг, Бускетс, Педри; Месси, Гризманн, Дембеле.
"ПСЖ": Навас; Флоренци, Маркиньос, Кимпембе, Кюрзава; Гуэй, Верратти, Паредес; Кен, Икарди, Мбаппе.

Барселона

Лионель Месси - 27'

Лига Чемпионов УЕФА. Плей-офф . 1/8-тур

17/02/2021, 01:00

Тугади

ПСЖ

Килиан Мбаппе - 32', Килиан Мбаппе - 65', Мойзе Кин - 70', Килиан Мбаппе - 85'

Стадион: Camp Nou, 0 томошабин

Бош ҳакам: Бьерн Куиперс

45'

90'

Матч-центрда очиш

Гувоҳи бўлганингиздек, айни пайтда ҳар 2 жамоа ҳам оптимал ҳолатда эмас. Сизнингча, бугун кимнинг қўли баланд келади?

“Лейпциг” – “Ливерпуль”

“Лейпциг” турнирнинг гуруҳ босқичида “Манчестер Юнайтед”га чиқиш эшикларини кўрсатган эди. Воқеалар ривожи “Ливерпуль”нинг “ажали” ҳам немислар қўлидалигига ишора қилмоқда.

Эътибор қилинг, Мерсисайд жамоаси 2021 йилнинг бошидан бери 10 та учрашув ўтказди. Улардан 3 тасида Юрген Клопп шогирдлари ғалаба қозонган, 1 та ўйин дуранг билан якунланган ва 6 та баҳсда мағлубият қайд этилган. “Қизиллар” сўнгги 3 ўйиннинг барчасида майдонни бошлари эгик ҳолда тарк этишди. Айни пайтда “Ливерпуль” АПЛ турнир жадвалида 6-ўринни эгаллаб турибди (40 очко). Пешқадам “Сити” билан орадаги тафоввут 13 очкони ташкил қиляпти (“шаҳарликлар” 1 та кам ўйин ўтказган).

“Лейпциг” эса Германия чемпионати турнир жадвалида 2-ўринни эгаллаб турибди. Юлиан Нагельсманн жамоаси сўнгги 4 ўйиннинг барчасида ғалаба қозонди ва бугунги ўйинга аъло кайфиятда етиб келмоқда. Немис клубига бугун Эмиль Форсберг, Лаймер ва Доменик Собослаилар ёрдам бера олмайди.

Юрген Клоп эса Милнер, Матип, Кейта, Жота, Гомес ҳамда ван Дейкнинг хизматидан фойдалана билмайди. “Қизиллар”нинг мудофаа чизиғига ҳавас қилиб бўлмайди.

ТАХМИНИЙ ТАРКИБЛАР
"Лейпциг": Гулачи; Клостерманн, Орбан, Упамекано; Мюкиле, Забитцер, Кампл, Анхелиньо; Нкунку, Ольмо; Поульсен.
"Ливерпуль": Алиссон; Александер-Арнолд, Кабак, Хендерсон, Робертсон; Тьяго Алькантара, Вейналдум, Джонс; Салах, Фирмино, Мане.

РБ Лейпциг

Лига Чемпионов УЕФА. Плей-офф . 1/8-тур

17/02/2021, 01:00

Тугади

Ливерпуль

Мохамед Салах - 53', Садио Мане - 58'

Стадион: Puskas Arena, 0 томошабин

Бош ҳакам: Slavko Vincic

45'

90'