Неймар бугун машғулотларни бошлайди

Шифокорлар керакли тестларни ўтказиб олиши учун 27 ёшли футболчи майдонда машғулот ўтказади. Неймарнинг ҳолатини тўлиқ аниқлаш учун клубдагилар икки ҳафта давомида ҳужумчини тиббий кўрикдан ўтказишади.

"Страсбург"га қарши Франция Кубоги баҳсида жароҳат олган бразилиялик операция қилинмади ва консерватив йўл билан даволанмоқда. Футболчи ўтган мавсум ҳам худди шундай жароҳат олиб, 3 ойдан кўпроқ майдонга туша олмаган эди.

Неймар жорий мавсум Лига 1нинг 13та ўйинида 13та гол уриб, 7та голли пас берди.