"Нефтчи" клуби "Цементчи"га қарши назорат баҳсини ўтказади
08 июн 2017 16:17
Янгиликлар
![](https://championat.asia/upload/storage/258457_original.jpg)
![](/upload/storage/258457_220.jpg)
"Нефтчи" клуби "Цементчи"га қарши назорат баҳсини ўтказади
Куни кеча олий лига бахсларида ишлари юришмаётган Фарғонанинг "Нефтчи" жамоасининг мураббийлар штабида катта ўзгаришлар амалга оширилди. Жамоа постига тажрибали мутахасcис Вадим Карленович Абрамов бош мураббий этиб тайнланди. Бу ажойиб воқеани азалдан ўзбек футболининг ашаддий ишқибозлари бўлган барча фарғоналиклар чуқур мамнуният ва хурсандчилик билан қарши олди.
Ушбу мураббий қўл остида “Нефтчи” яна ўзининг аввалги мавқеини тиклаб олиб, яна юқори ўринлар учун курашишига биз ҳам ишонамиз албатта. Зеро Абрамов ўзининг илк интервюсида “Ягона мақсадим мухлислар ишончини оқлаш ва уларни стадионга қайтариш” дея биз мухлислар кўнглида яна ишонч ва илиқлик уйғота олди. Бош мураббий енг шимариб аллақачон жамоа билан навбатдаги учрашувларга таёргарликни ҳам бошлаб юборган.
Биз Қувасойликларни хурсанд қиладиган яна бир ҳолат шу бўлдики, барча фарғоналик мухлислар Карленович қўл остидаги янги жамоа "Нефтчи"нинг илк учрашувини кутиб турган бир пайтда Абрамов илк назорат учрашувини айни вақтда биринчи лига мусобақаларида пешқадамлик қилиб келаётган "Цементчи"га қарши ўтказишга қарор қилди/
Ушбу баҳс Фарғона шаҳрида ўтказилиши режалаштирилган.
"Нефтчи" - "Цементчи" учрашуви 10 июнь шанба куни Фарғона шаҳридаги марказий "Истиклол" стадионида бўлиб ўтади.
Бир пайтлар бутун Республикага донғи кетган, стадионларни тўлдириб турган "Нефтчи" жамоасининг барча ашаддий ишқибозларини-ю, "Цементчи"нинг уйинларини соғиниб қолган мухлисларимизни, Қувасой, Марғилон, Ёзёвон, Тошлоқ, Водил, Чимён борингки барча водий ахлини ушбу қизиқарли баҳсга таклиф этамиз.
10 июнь. (шанба)
Назорат учрашуви.
Марказий "Истиқлол" арена.
"НЕФТЧИ" (Фарғона) - "ЦЕМЕНТЧИ" (Қувасой)
Учрашувни ўтказиб юборманг!
"Цементчи" жамоаси матбуот котиби Зухриддин Абдуллажонов
Ўхшаш янгиликлар
![AMP Logo](https://championat.asia/image/logo-amp.png)
Фикрлар