“Нефтчи” йиғинни бошлади
02 июл 2014 20:17
Янгиликлар
Режага кўра футболчилар 2 июль куни тушликдан сўнг, клуб қароргоҳида йиғилди. Шундан сўнг жамоа Водил сўлим гўшасига йўл олди. Иккинчи даврага тайёргарликнинг биринчи қисми айнан ушбу Водилдаги базада ўтади. У ерда икки ҳафта мобайнида машғулот ўтказилгач, йиғиннинг иккинчи қисми Тошкентга кўчади. Пойтахтда машғулот ўтказиш билан бирга, синов-назорат ўйинлари ҳам ташкил этилади. Спарринг рақиблар хусусида кейинроқ тўхталиб ўтамиз.
Таркибдаги ўзгаришларга келадиган бўлсак, биринчи даврани “Нефтчи”да ўтказган россиялик футболчи Левани Гвазава келгуси фаолиятини бошқа жамоада ўтказадиган бўлди. Шунингдек ҳужумчи Зоҳид Абдуллаев ва ярим ҳимоячи Маъруф Муродов ҳам жамоа билан хайрлашди. Мазкур икки футболчи биринчи даврада кам ўйин амалиётига эга бўлди. Легионер ўйинчи Гвазава эса жароҳати сабабли кўп учрашувларда жамоага ёрдам бера олмади. Шу боис жамоамиз ушбу футболчилар ҳам билан ўзаро келишган холда, муносиб равишда хайрлашди ва уларнинг келгуси фаолиятига омад тилаймиз.
Бундан ташқари мазкур йиғин давомида яна айрим футболчилар билан ҳам хайрлашиш режага киритилган. Уларнинг айнан ким эканлиги ҳақида кейинроқ маълумот бериб ўтамиз.
Йўқотишлар ўрнини тўлдириш мақсадида “Нефтчи” футбол клуби раҳбарияти айни дамда бир қатор маҳоратли футболчилар билан музокара ўтказмоқда. Жамоамиз учун бегона бўлмаган, маҳаллий ўйинчиларни ортга қайтариш учун ишлар олиб борилмоқда.
![AMP Logo](https://championat.asia/image/logo-amp.png)
Фикрлар