"Навбаҳор": Шамситдинов ортга қайтди

Бир кунлик дам олишдан кейин футболчилар жиддий тарзда ҳозирликка киришишди. Икки маҳал ўтказилган машғулотлар чоғида мураббийлар асосий эътиборни футболчилар жисмоний ҳолатини тиклашга қаратилган машқларга қаратишди. Яъни эрталабки машғулот тренажёр залида ўтказилган бўлса кечки пайт жамоа аъзолари “Марказий” ўйингоҳда югуриш билан боғлиқ машқларни бажаришди. Машғулотларни Рашид Ғофуров бошчилигида Микола Шевченко, Мустафо Байрамов, Шуҳрат Мирхолдиршоев ва Анвар Жабборовлар олиб боришди.

Таркибдаги ўзгаришлар хусусида гап кетганида, жамоамизга маҳоратли ҳимоячи Тоҳир Шамсиддиновни қайтганлигини айтиб ўтиш жоиз. Шамсиддинов қишки танаффусдан кейин “Қўқон-1912” жамоаси сафига қўшилиб, қўқонликлар билан шуғулланаётганди. Якунда Тоҳир “Навбаҳор”га қайтди. Шамсиддиновни жамоага қайтиши жамоамиз мухлисларини қувонтирганлиги ҳам бор гап. Умумий ҳисобда бугунги машғулотларда 26 нафар футболчи қатнашди. Мухлисларимизнинг қизиқишларини инобатга олган ҳолда бугунги машғулотларда қатнашган футболчилар рўйхатини келтириб ўтамиз: М.Тўхтасинов, А.Эргашев, Қ.Маҳаммаджонов, Д.Жабборов, Б.Тўрабоев, Т.Шамсиддинов, М.Собиров, Ҳ.Юнусов, А.Умаров, А.Турғунбоев, А.Маҳмудов, ОЖўрабоев, О.Валижонов,  А.Султанов, А.Мамазоитов, А.Баҳриддинов, С.Асқаралиев, Ғ.Жўраев, Д.Иномов, А.Рашидханов, С.Теляков, А.Алиев, М.Расулов, З.Нурматов, М.Мамазулумов, Т.Аюпов.